Category

What’s new

Oct 07
0

Cooperación con Perú

By | What's new | No Comments

CETMAR regresa a Sechura para traballar xunto ao Goberno de Perú por unha pesca artesanal e unha acuicultura máis rendible e respectuosa co medio mariño

  • Un convenio de colaboración coa Consellería de Presidencia, Xustiza e Deportes da Xunta de Galicia propicia este novo proxecto, que da continuidade ás actividades de fortalecemento de ambos sectores executadas no marco do anterior proxecto Mar de Piura

O Centro Tecnolóxico do Mar, dependente da Consellería do Mar, e o Ministerio de la Producción de Perú retoman a súa colaboración coa posta en marcha do proxecto “Fomento da Economía Azul Sechurana a través dun crecemento resiliente, competitivo e sostible do sector pesqueiro e acuícola da Baia de Sechura” (Sechura Azul).

Esta intervención ten como obxectivo principal contribuír á sostibilidade ambiental e produtiva dos medios de vida e das comunidades do sector acuícola e pesqueiro artesanal na Baía de Sechura (Piura, Perú).  Para a consecución deste obxectivo, CETMAR contara co apoio do Goberno peruano a través de diferentes institucións vinculadas ao sector.

Sechura Azul céntrase en facer que a pesca artesanal e a acuicultura en Sechura sexan máis rendibles e respectuosas co medio ambiente, promovendo a igualdade e outorgando ás mulleres un papel protagonista na xestión dos recursos hidrobiolóxicos para mellorar os seus ingresos familiares. A estratexia do proxecto, financiada pola Xunta de Galicia a través de Cooperación Galega, estrutúrase arredor de tres resultados clave.

En primeiro lugar, buscará mellorar a sostibilidade ambiental, a produtividade e a capacidade de xestión das explotacións acuícolas de cuncha de abanico na Baía de Sechura. Para iso, traballarase na optimización da produción de semente do bivalvo, garantindo unha calidade e cantidade suficientes, así como na monitorización de parámetros oceanográficos que melloren o cultivo deste molusco no seu medio natural, creando protocolos de mostraxe e sistemas de alerta precoz das condicións ambientais.

En segundo lugar, o proxecto centrarase nas asociacións de comercialización de produtos pesqueiros artesanais lideradas por mulleres. Neste sentido, organizaranse sesións de formación co apoio de asociacións previamente formadas noutras accións desenvolvidas por CETMAR na zona, como ACUIPESCA, VerTyCe e MARdePiura.

Para acadar este segundo resultado, transferirase coñecemento entre as asociacións, fortaleceranse as capacidades e afondarase na incorporación dunha perspectiva feminista nas normas operativas e de traballo para mellorar a trazabilidade dos seus produtos, xerando así unha maior confianza entre os potenciais compradores.

Finalmente, o terceiro resultado esperado é o fortalecemento institucional para mellorar a gobernanza dos recursos pesqueiros e acuícolas no norte do Perú. As accións previstas neste ámbito están dirixidas ao persoal técnico do Ministerio de la Producción, como as Direccións Xerais de Pesca e Acuicultura, o Fondo Nacional de Desarrollo Pesquero (FONDEPES) e o Instituto del Mar de Perú (IMARPE). Para iso, o proxecto inclúe intercambios técnicos entre Galicia e Perú para fomentar a coordinación interinstitucional e facilitar o desenvolvemento dunha estratexia de traballo que mellore as directrices aplicables á acuicultura e á pesca artesanal.

Primeiros pasos

A intervención proposta para este ano baséase en necesidades previamente identificadas a través de proxectos anteriores implementados por CETMAR na zona e céntrase na mellora da rendibilidade e sustentabilidade das cadeas de valor da pesca artesanal e da acuicultura cunha perspectiva feminista.

Así, está prevista unha sesión inicial de formación para as traballadoras e traballadores das Organizacións Sociais de Pescadores Artesanais (OSPAS), que comezará en outubro. Para este fin, CETMAR enviará dous expertos internacionais que impartirán formación teórica e práctica especializada na mellora da produtividade da cría de cuncha de abanico e participarán no deseño dun plan de seguimento e vixilancia das actividades de acuicultura.

Cuncha de abanico

Esta formación ten como obxectivo fortalecer as capacidades das OSPAS nun escenario climático exacerbado polos impactos previstos de El Niño na costa peruana nos próximos anos. Esta iniciativa terá un impacto positivo na resiliencia destas organizacións ante tales eventos climáticos, o que levará a unha mellor resposta preventiva e un plan de recuperación para a cría de cuncha de abanico, unha vez que se restablezan as condicións normais na baía.

Oct 02
0

Economía azul

By | What's new | No Comments

A Xunta expón en Barcelona a súa Estratexia de Economía Azul como modelo sostible que conecta o coñecemento co territorio

  • A secretaria xeral técnica da Consellería do Mar, Marta Barreiro, e a directora de CETMAR, Rosa Chapela, participaron na xornada europea O impulso da economía azul en Europa: estratexias e resultados
  • A folla de ruta galega conta con máis de 114 millóns de euros e 40 accións estratéxicas, apoiándose na Oficina Técnica xestionada por CETMAR e en ferramentas como os GALP e o Plan de Cultura Marítima

A secretaria xeral técnica da Consellería do Mar, Marta Barreiro, e a directora-xerente de CETMAR, Rosa Chapela, participaron en Barcelona na mesa redonda Estratexias rexionais de Economía Azul’, dentro da xornada europea O impulso da economía azul en Europa: estratexias e resultados, celebrada no Parque de Investigación Biomédica.

Durante este foro, Barreiro debullou as liñas mestras da Estratexia de Economía Azul de Galicia 2024-2027, un instrumento transversal dotado con máis de 114 millóns de euros e 40 accións estratéxicas que involucra a 20 entidades para avanzar cara a un modelo de crecemento marítimo baseado na sustentabilidade ambiental, na protección da biodiversidade e na innovación tecnolóxica.

Durante a súa intervención, a representante autonómica salientou que Galicia non parte de cero, senón dunha realidade marítima consolidada e diversa que abrangue a pesca, o marisqueo, a acuicultura, a transformación mar-industria, a loxística portuaria, o turismo e o patrimonio costeiro. Marta Barreiro subliñou que “o verdadeiro reto da economía azul non consiste en engadir novas actividades sen máis, senón en conectar mellor o tecido que xa temos, facelo máis sostible e competitivo e preparalo para o futuro».

A secretaria xeral técnica incidiu na gobernanza da estratexia canalizada a través dun Consello Rector multidepartamental e da Oficina Técnica operada polo Centro Tecnolóxico do Mar (CETMAR) para monitorizar indicadores e avaliar resultados continuos. Ademais, remarcou a importancia de que a planificación estratéxica chegue de forma efectiva ás vilas costeiras mediante instrumentos con arraigo local.

Neste eido, puxo como exemplos o Plan de Cultura Marítima de Galicia Horizonte 2030 -desenvolvido coa Universidade da Coruña- e o papel dos Grupos de Acción Local do Sector Pesqueiro (GALP), que levan mobilizados 322 proxectos cun investimento superior aos 45 millóns de euros para xerar emprego, diversificación e dinamización socioeconómica. «A economía azul non se constrúe unicamente mirando cara ao mar, senón desde os propios territorios e comunidades que viven del», concluíu.

Por outra banda, no bloque dedicado aos impactos indirectos e ao valor territorial da economía azul, a directora-xerente de CETMAR, Rosa Chapela, interviu para falar dese impacto nos territorios e rexións de Galicia. Máis alá das repercusións directas no PIB, na pesca e na produción, a máxima responsable do Centro Tecnolóxico do Mar, dependente da Consellería do Mar, destacou a importancia de calcular o que non se reflicte habitualmente nas cifras de produción, como o valor que xera no territorio, a súa resiliencia, a interconexión destas actividades principais con outras e o impacto indirecto ou inducido da economía azul nas rexións galegas.

Dado que non existen indicadores que cuantifiquen estes datos, Rosa Chapela esbozou exemplos de metodoloxías e seguimento que está a implementar a Consellería do Mar a través do impacto territorial e socioeconómico dos proxectos dos Grupos de Acción Local Pesqueiros (GALP), as táboas de entrada-saída da pesca e a industria conserveira en Galicia -que tamén cuantifican os impactos indirectos- e a valoración económica de sectores esenciais nas áreas mariñas de Galicia a través do MARPLAN.

Sep 15
0

International cooperation and knowledge transfer

By | What's new | No Comments

CETMAR and FAO join forces to improve the safety of small-scale fishing vessels in São Tomé and Príncipe

  • CETMAR is leading a technical activity to assess the stability and safety at sea of two prototype vessels built in local shipyards
  • The initiative is part of the FISH4ACP programme, which promotes the sustainable development of fisheries and aquaculture value chains in Africa, the Caribbean and the Pacific

This week, CETMAR is launching the final tests of a very special project: to modernise and make the navigation of small artisanal fishing vessels in São Tomé and Príncipe much safer. With this step, CETMAR is helping to protect the lives of local fishermen in their daily work at sea.

The initiative focuses on assessing the stability and safety of two prototype artisanal fishing vessels, each around 6 metres long, which were built using different materials: one from marine plywood and the other from fibreglass.

Built in local shipyards with training support from two CETMAR experts in shipbuilding and composites, these vessels will undergo a three-day programme of rigorous sea trials to compare their stability and their technical and operational performance.

During this period, CETMAR’s technical team – consisting of a technician and a naval and ocean engineer – together with fishermen and representatives of the local partner, the NGO MARAPA, will conduct the statutory tests in line with international legislation on stability and navigability. The aim is to ensure maximum safety for artisanal fishermen in the event of extreme loading conditions or critical manoeuvres involving fishing gear.

The technical procedure, supervised by the naval and ocean engineering specialist deployed to the site by CETMAR, is divided into two key stages. Firstly, the dry stability and heel test, aimed at accurately determining the vessel’s centre of gravity. To this end, a simulation of the fully loaded vessel will be performed, with calibrated weights distributed across the deck.

The second test will be conducted at sea or during active navigation, when the vessel sails on the open sea, carrying out various manoeuvres to assess its dynamic stability and the behaviour of the loaded hull.

The results of the assessments will serve to validate the prototypes and, where necessary, introduce improvements to their design, thereby contributing to the gradual modernisation of the country’s small-scale fishing fleet and to enhancing the safety of those who work at sea.

In addition to improving the vessels, this initiative contributes to the transfer of technical knowledge to local shipyards and to strengthening national capacities for the construction and maintenance of safer, more efficient vessels that are better suited to the sector’s needs.

The FISH4ACP programme, which includes this initiative, is funded by the European Union and the German Federal Ministry for Economic Cooperation and Development (BMZ) and is implemented by the FAO in collaboration with national and international partners.

Sep 14
0

PreMisa project

By | What's new | No Comments

CETMAR is organising a new exchange of experiences between technical staff from the Dominican Republic, Costa Rica and Galicia, focusing on sargassum collection

  • The aim of the activity, included the PreMiSa project, is to transfer knowledge on the sargassum collection systems used in Galicia and the possibilities to adapt their use in both countries.

CETMAR has organised a new exchange of experiences between technical staff from the Dominican Republic, Costa Rica and Galicia (Spain), to take place from 31 August to 4 September, which will focus on sargassum collection systems.

This is the second exchange organised by CETMAR in the context of the PreMiSa project, ‘Mechanisms for the Prevention and Mitigation of Sargassum Arrival in Costa Rica and the Dominican Republic by Strengthening Governance and Research’. The first took place in May and enabled five other experts to learn about Galician experiences in the analysis, treatment and valorisation of these algae.

This project is funded by the Regional Programme for the Environment and Climate Change of Spanish Cooperation in Latin America and the Caribbean (ARAUCLIMA) and coordinated by the Costa Rican University Foundation (FUCR). CETMAR’s International Cooperation department acts as a specialist consultancy for the implementation of activities in Galicia and in the field of technological innovation.

The aim of the initiative is the transfer of knowledge between technical staff from the Dominican Republic, Costa Rica and Spain, to develop high-performance, affordable and environmentally friendly equipment for collecting sargassum on land and at sea, and specifically designed for this purpose.

In this regard, Galicia has extensive experience in the design and implementation of innovative mechanisms for seaweed collection. For this knowledge transfer, CETMAR is working in partnership with Lonja de Campelo. Their technical assistance has driven various initiatives to tackle the seaweed problem in the areas of the fishermen’s association.

Based on the results obtained, the partner institutions of the PreMiSa project will work on the design and construction of a technological improvement, promoting the incorporation of innovative, sustainable and environmentally friendly technologies for sargassum collection, to enable further optimal valorisation and adaptation to the Dominican Republic A visit to CETMAR on Monday the 31st of August will mark the start of the planned programme, to run until Friday the 4th of September. In addition to the knowledge exchange at the Campelo fish market, it will include visits to other fish markets and companies regarding the topic exchange, such as Ecocelta and Demaux Manufacture.

Sep 14
0

Aprender facendo

By | What's new | No Comments

A Aixola inicia un novo ciclo de cursos con seis formacións vinculadas ao ámbito marítimo-pesqueiro

  • O centro de formación impartirá nos vindeiros meses e de forma gratuíta máis de 1.300 horas lectivas e ofertará 72 prazas en diferentes modalidades formativas

O Centro de Formación A Aixola, dependente da Consellería do Mar e xestionado polo Centro Tecnolóxico do Mar-Fundación CETMAR, pon en marcha un novo ciclo de cursos que se desenvolverán ata o vindeiro mes de decembro.

Trátase de seis actividades formativas cun eminente carácter práctico, seguindo o principio de «aprender facendo», e para as que non se requiren cualificacións mínimas. A formación, financiada pola Consellería do Mar e polos fondos FEMPA (Fondo Europeo Marítimo, de Pesca e Acuicultura), é totalmente gratuíta.

Os cursos están dirixidos a persoas desempregadas ou vinculadas ao sector pesqueiro que desexen reorientar o seu perfil profesional ou garantir o relevo xeracional nun oficio altamente especializado e en risco de desaparición, pero con demanda nas confrarías e nas empresas do sector marítimo-pesqueiro.

A oferta para este trimestre inclúe un curso de operacións auxiliares de acondicionamento interior de embarcacións (tapicería e madeira) de 350 horas, no que se empregarán técnicas tradicionais e innovadoras, e outro de operacións auxiliares de arboradura (mastros e velas) de 200 horas, destinado ao coñecemento e a práctica en montar e desmontar diversos compoñentes da arboradura náutica, o seu mantemento así como operacións básicas de reparación de velas.

A nova programación de A Aixola contempla ademais a introdución a unha das técnicas máis novidosas para a creación de pezas en poliéster no curso de operacións básicas de infusión e baleiro en composites, de 300 horas, orientado ao sector náutico e á acuicultura, e outro sobre procesos básicos de plásticos técnicos aplicados ao sector mariño (200 horas).

As formacións sobre actividades auxiliares en diagnose e posta a punto de fora borda menores de 30 CV (220 horas) e a introdución á carpintería náutica con control numérico (CNC) (70 horas) completan a oferta para os próximos tres meses.

As prazas son limitadas e a inscrición xa é posible a través da páxina web do centro  (aixola.cetmar.org) ou contactando vía correo electrónico (aixola@cetmar.org) ou telefónica (886 206915).

Na actualidade,  A Aixola é o único centro acreditado que imparte esta formación.

Jul 30
0

Proxecto Consagmar

By | What's new | No Comments

CETMAR organiza un intercambio de experiencias en materia de control e fiscalización dos productos pesqueiros en Galicia para 5 técnicos do SANIPES de Perú

  • Enmarcase no proxecto Consagmar “Contribución á soberanía alimentaria peruana a través da mellora dos mecanismos de control e vixilancia dos recursos e produtos hidrobiolóxicos e o fortalecemento de capacidades técnicas e de gobernanza das mulleres e homes fiscalizadores de SANIPES e das Administracións locais de Sechura”, financiado por Cooperación Galega e liderado por ANFACO-CYTMA

O Centro Tecnolóxico do Mar, dependente da Consellería do Mar, organiza un intercambio de experiencias entre Galicia (España) e Perú que terá lugar en terras galegas, do 29 de xuño ao 3 de xullo, e que estará centrado nos mecanismos de control e fiscalización dos produtos pesqueiros así como na normativa sanitaria e de trazabilidade dos mesmos.

Durante a visita, os cinco técnicos da Autoridad Nacional de Sanidad e Inocuidad en Pesca y Acuicultura de Perú (SANIPES) terán a posibilidade de coñecer a estrutura, competencias e medios operativos do Servizo de Gardacostas de Galicia da man do Subdirector xeral deste servizo, Juan Carlos Codesido.

Os técnicos terán tamén a posibilidade de ampliar o coñecemento da normativa sanitaria aplicable aos produtos pesqueiros, así como os requisitos para a autorización e rexistro dos establecementos alimentarios, contando para iso co xefe de servizo de Seguridade Alimentaria da Consellería de Sanidade, Jose Ángel Viñuela.

Esta formación complementarase con varias visitas prácticas a empresas, lonxas e mercados de abastos do sector coa finalidade de facelos partícipes de todas as actividades de control e trazabilidade da cadea alimentaria do sector pesqueiro e acuícola de Galicia.

Ademais, os técnicos teñen prevista unha visita ao porto pesqueiro da Autoridade Portuaria de Vigo, onde terán a posibilidade de coñecer, sobre o terreo, o funcionamento do Punto de Control Fronteirizo, encargado de inspeccionar e controlar as mercancías procedentes de terceiros países para garantir o cumprimento da normativa sanitaria, fitosanitaria e de seguridade alimentaria da Unión Europea.

No último día da axenda programada o grupo visitará as instalacións e laboratorios de ANFACO-CYTMA en Vigo, institución que lidera o proxecto Consagmar, e no que CETMAR actúa como consultor especializado para a realización de esta actividade en Galicia.

Persoal do Centro Tecnolóxico do Mar, responsable da organización da axenda para os cinco días nos que terá lugar o intercambio, acompañará aos técnicos durante a súa estancia, que comezará cunha visita á sede da fundación galega en Vigo, onde serán recibidos pola directora-xerente, Rosa Chapela.

Jul 02
0

Comparecencia no Parlamento

By | What's new | No Comments

A Xunta salienta os 25 anos de CETMAR como referente internacional que transforma a ciencia en gobernanza do mar

  • A fundación afronta este aniversario cunha intensa actividade centrada en 52 proxectos vixentes e máis de 4,5 millóns de euros de investimento para actuar como fío condutor entre a comunidade científica, as administracións e o sector mar-industria
  • O labor do centro tradúcese en impactos tanxibles como o deseño técnico do Plan de Marisqueo galego, a copresidencia de grupos expertos en Bruxelas ou a mellora da seguridade alimentaria en máis de quince países en vías de desenvolvemento

A directora do Centro Tecnolóxico do Mar-Fundación CETMAR, Rosa Chapela, compareceu hoxe na Comisión 8ª, Pesca e Marisqueo, para dar conta do vixésimo quinto aniversario desta fundación dependente da Consellería do Mar. Chapela salientou que este cuarto de século de vida avala un modelo baseado en tecer pontes para conectar de forma eficaz a comunidade científica, as administracións e o sector mar-industria.

O labor do centro céntrase en xerar coñecemento útil, impulsar a innovación e facilitar o acceso a financiamento para que a investigación mariña se converta nun ben común que mellore as decisións públicas sobre o océano. No ámbito autonómico, CETMAR achega datos e evidencias de calidade para ferramentas esenciais coma a Estratexia de Economía Azul, o Plan de Marisqueo 2026-2031 ou proxectos aplicados coma SoL-Ouxa II, Bateas e Apromex, cuxos resultados de cultivo se transfiren ao sector bateeiro a través do plan Capacitamex.

A nivel internacional, a fundación situou a Galicia nunha posición de vangarda nas políticas marítimas da Unión Europea ao copresidir o Grupo de Expertos en Datos para a Ordenación do Espazo Mariño da Comisión Europea e formar parte do prestixioso European Marine Board. Así mesmo, o centro traballa de xeito pioneiro para incorporar a dimensión socioeconómica e humana na pesca europea mediante a achega de datos de emprego e valor engadido a plataformas de referencia coma EMODnet, o Blue Economy Observatory ou o proxecto ReMap.

A nivel técnico, a fundación converteuse nun soporte fundamental para a Política Pesqueira Común ao coordinar o secretariado dos Grupos Rexionais de Coordinación europeos, garantindo a calidade e harmonización dos datos que serven para determinar as cotas de pesca en organismos internacionais. Esta observación mariña desenvólvese en Galicia a través do Observatorio Costeiro (OCXG) —clave para amparar as leis galegas de ordenación do litoral e do cambio climático—, mentres que no plano internacional o Cetmar consolídase como o brazo executor da Cooperación Galega.

O centro transferiu o modelo de éxito galego a máis de quince países de África e América Latina e estende a súa actividade neste exercicio a Oriente Medio, México e Costa Rica, avalado por unha recente auditoría externa independente que destaca a súa credibilidade institucional e o seu impacto real na seguridade alimentaria.

Finalmente, a directora destacou que a maior capacidade científica e operativa lograda por Galicia para afrontar a contaminación mariña —cun traballo continuado que ampara o Plan Marlimpo ou o control de contaminantes emerxentes— é grazas ao seu capital humano. CETMAR conta cun equipo multidisciplinar de 55 profesionais de recoñecido prestixio que vén de aprobar o seu primeiro Plan de Igualdade con 33 medidas concretas de conciliación e equidade laboral.

Jun 25
0

Foro Internacional sobre a Captura Incidental de Megafauna Mariña Ameazada

By | Events, What's new | No Comments

CETMAR colabora no maior foro internacional sobre a captura incidental de megafauna mariña ameazada, que terá lugar en outubro de 2027 na Cidade da Cultura de Santiago

  • O Centro Tecnolóxico do Mar, da Consellería do Mar, participa na organización deste encontro, que pretende avanzar en solucións para as capturas accesorias (bycatch) de megafauna mariña ameazada, en risco ou protexida na pesca.
  • Esta reunión é unha iniciativa dun conxunto de oito proxectos europeos que actualmente traballan arredor desta temática, como é o caso de REDUCE e LIFE CIBBRINA, nos que participa a área de Promoción e Transferencia de Tecnoloxía do CETMAR.

O Foro Internacional sobre a Captura Incidental de Megafauna Mariña, que terá lugar en Santiago de Compostela do 12 ao 15 de outubro do 2027, será a maior conferencia internacional xamais celebrada para avanzar en solucións para o bycatch. O encontro reunirá a unha diversidade de partes interesadas, capacitándoas para compartir coñecementos e experiencia.

O obxectivo é traballar xuntas por un futuro no que as pesqueiras coexistan plenamente coa megafauna mariña ameazada, que inclúe tiburóns, raias, tartarugas mariñas, aves mariñas e mamíferos mariños, e que enfronta unha importante presión pola captura incidental tanto na pesca a gran escala como a pequena escala.

O encontro está dirixido a calquera persoa que teña experiencia e coñecementos sobre as capturas accesorias da megafauna mariña, desde pescadores e investigadores, responsables políticos, innovadores, a cadea de valor dos produtos do mar e ONGs, entre outros.

Entre outras temáticas, durante o foro abordaranse cuestións como a monitorización, recollida de datos e tecnoloxías emerxentes ou a estandarización de métodos, programas de observadores. Tamén serán tratadas as ferramentas dixitais de monitorización electrónica e a automatización a través da intelixencia artificial, sensores e ADN ambiental, etc. Será obxecto de especial atención o desenvolvemento conxunto de solucións co sector pesqueiro e a transcendencia da temática nas comunidades locais costeiras. Debaterase tamén sobre políticas, gobernanza e marcos internacionais e sobre estudios de caso rexionais e intersectoriais relacionados con esta cuestión, así como sobre a comunicación científica, formación e participación pública para mellorar a concienciación.

A través da área de Promoción e Transferencia de Tecnoloxía do Centro Tecnolóxico do Mar participa na organización deste foro a través dos proxectos REDUCE e CIBBRINA e da man doutras accións europeas actualmente en curso que traballan arredor da captura accidental de especies de megafauna mariña ameazada, en risco ou protexida. Ademais de outras entidades, cabe facer mención á participación de dúas das institucións do padroado da Fundación, o CSIC a través do Instituto de Investigacións Mariñas, o IEO e a Universidade de Santiago de Compostela.

Máis información sobre o foro na súa páxina web (IFBMM)

Jun 25
0

Novos cursos en Marín

By | What's new | No Comments

A Xunta eleva o orzamento do centro A Aixola até os 418.000€ e amplía a súa oferta formativa a todo o ano para reforzar o talento no mar

  • A Consellería do Mar incrementa a partida un 77% con respecto ao ano anterior para estender os cursos de especialización aos dous semestres do ano
  • A Dirección Xeral de Desenvolvemento Pesqueiro destaca o éxito laboral do modelo: o 78% do alumnado atopa emprego tras pasar por un centro que este ano ofrece 168 prazas
  • A programación de 2026 inclúe a reactivación do obradoiro de plásticos técnicos, inactivo desde 2017, e novas técnicas avanzadas de infusión e baleiro en composites

A directora xeral de Desenvolvemento Pesqueiro, Ángeles V. Suárez, visitou hoxe o Centro de Formación A Aixola para avaliar o desenvolvemento da súa programación formativa. Esta iniciativa, cofinanciada polo Fondo Europeo Marítimo, de Pesca e de Acuicultura (FEMPA), consolídase como unha peza clave do Goberno galego para garantir a remuda xeracional, fixar o talento local e mellorar a competitividade de toda a cadea de valor do tecido mar-industria.

O servizo, xestionado de forma directa polo Centro Tecnolóxico do Mar (CETMAR) como medio propio instrumental dende o ano 1997, conta nesta anualidade cunha inxección económica histórica de 418.000 euros. Este orzamento supón un incremento de preto de 182.000 euros fronte aos 236.286 destinados no exercicio de 2025, o que permitiu expandir as accións educativas aos dous semestres do ano e asegurar unha oferta continua e de calidade no porto de Marín.

Ángeles V. Suárez, acompañada pola directora de CETMAR, Rosa Chapela, e polo presidente da Autoridade Portuaria de Marín, José Benito Suárez, destacou que a ampliación do programa estrutúrase a través de 12 accións formativas técnicas de media e curta duración —con cursos que van dende as 70 até as 408 horas— que cobren especialidades coma a confección de artes de pesca, a electricidade e hidráulica naval, a carpintería náutica mediante control numérico (CNC) ou a reparación de embarcacións pneumáticas. En total, o centro oferta este ano un catálogo global de 3.293 horas de formación técnica e un teito de 168 prazas dispoñibles.

Como principais novidades técnicas deste curso, A Aixola reactivou o itinerario de procesos básicos de plásticos técnicos (aplicado ao uso de polietileno e polipropileno en instalacións pesqueiras e acuícolas), un obradoiro que permanecía inactivo desde o ano 2017. Así mesmo, o bloque de materiais composites viuse reforzado cunha nova especialización en técnicas avanzadas de infusión e baleiro para fabricar pezas navais máis lixeiras e resistentes.

As actividades formativas completaranse cunha prospección técnica de necesidades directamente coas empresas da contorna e coa consolidación dun programa piloto para o rexistro, segregación e trazabilidade de residuos de resinas e disolventes en taller.

Excelencia formativa e inserción laboral

A directora xeral puxo en valor os excelentes indicadores de empregabilidade do centro, cuxas enquisas de calidade sitúan a satisfacción do alumnado nun tramo de excelencia cun 9,86 sobre 10. Segundo os últimos datos de seguimento dispoñibles, o 52% dos participantes iniciaron a formación en situación de desemprego, pero seis meses despois de rematar as clases, o 78% declarou estar traballando. Deste volume, o 56% conseguiu un posto vinculado directamente co curso e o 37% inseriuse de xeito estrito no sector mariño-pesqueiro.

Para seguir mellorando estes resultados e garantir a igualdade de oportunidades, a Xunta reforzou o programa de titorías individualizadas e formación compensatoria con 40 horas anuais dedicadas ao apoio en idiomas e habilidades básicas, que se complementan con dous cursos específicos de orientación para facilitar a inserción laboral de xeito por conta allea ou a través do autoemprego.

Jun 23
0

Diálogos do Mar

By | What's new | No Comments

Marta Villaverde define ao Centro Tecnolóxico do Mar como unha ferramenta clave para o “futuro azul” de Galicia

  • A conselleira do Mar reivindica o talento, a cooperación internacional e a protección ambiental para o impulso da actividade marítimo-pesqueira durante a inauguración dos Diálogos do Mar, evento co que CETMAR pon fin á programación de actos do seu 25 aniversario

A conselleira do Mar, Marta Villaverde, inaugurou hoxe os Diálogos do Mar, un encontro co que o Centro Tecnolóxico do Mar (CETMAR) pecha a programación conmemorativa do seu 25 aniversario, e no que puxo en valor o talento, a sostibilidade e a cooperación internacional como piares fundamentais do “futuro azul” de Galicia.

Acompañada pola directora-xerente do organismo, Rosa Chapela, a responsable autonómica salientou o papel desenvolvido polo centro desde a súa creación como entidade de referencia na investigación e na innovación no ámbito mariño. Neste senso, subliñou a súa contribución ao desenvolvemento sostible do complexo mar-industria galego e á proxección exterior do coñecemento xerado na comunidade.

Neste contexto, defendeu a necesidade de seguir avanzando na modernización e na dignificación das profesións vinculadas á pesca, á acuicultura e á transformación dos produtos do mar, co fin de fomentar a creación de emprego estable, atraer a mocidade e o talento feminino.

Galicia, referente en prevención

Así mesmo, e grazas ao traballo deste centro, Galicia consolídase como referente europeo en prevención, vixilancia e resposta ante ameazas ambientais no litoral. Unha fortaleza que contribúe á competitividade do sector pesqueiro e marisqueiro e ao prestixio internacional dos produtos do mar galegos.

Por iso, Villaverde defendeu a importancia da colaboración entre administracións, comunidade científica e sector produtivo co obxectivo de anticiparse aos novos desafíos climáticos; eido no que tanto CETMAR como Intecmar contan cunha ampla experiencia de coñecemento e xestión.

Os Diálogos do Mar desenvolvéronse durante a mañá en tres sesións diferenciadas, nas que técnicos de CETMAR dialogaron con representantes da ciencia, da administración e da investigación, colaboradores todos eles co centro galego, poñendo en valor o traballo levado a cabo nestes 25 anos en ámbitos como a loita contra a contaminación mariña, a cooperación ao desenvolvemento ou a dimensión humana do mar e da economía azul.

Con esta xornada, o Centro Tecnolóxico do Mar pecha a súa programación de aniversario reafirmando o seu compromiso cun sector marítimo-pesqueiro “máis competitivo, sostible e preparado para os retos do futuro”.