Novidades

Out 03
0

ForoAcui

By | Novidades | No Comments

A Xunta apoia a XXVI edición do ForoAcui co foco posto na innovación na acuicultura e o cultivo de moluscos bivalvos e un especial protagonismo de CETMAR

  • O evento terá lugar o 9 e 10 de outubro no Auditorio Municipal de O Grove no que está programado varias mesas de traballo nas que abordar con expertos ámbitos como a investigación, cun especial protagonismo do CETMAR
  • Tamén foi presentado o libro resumen da pasada edición onde se fai homenaxe ás persoas e entidades que levan apoiando esta cita ao longo dun cuarto de século e que estará dispoñible na web

O director xeral de Pesca, Acuicultura e Innovación Tecnolóxica, Antonio Basanta presidiu hoxe o acto de presentación da nova edición do Foro dos Recursos Mariños e da Acuicultura das rías galegas co foco posto na innovación na acuicultura e o cultivo de moluscos bivalvos.  Acompañado por representantes da Asociación dos Recursos Mariños e da Acuicultura das Rías Galegas, entidade  organizadora do evento co apoio da Xunta, salientou a importancia deste espazo de debate de referencia onde investigadores, representantes dos sectores económicos, administración ou entidades sociais, comparten análises e perspectivas futuras da actividade pesqueira.

Esta cita, que terá lugar os días 9 e 10 de outubro no Auditorio Municipal de O Grove, ten aberto o prazo de inscrición ata o vindeiro 7 de outubro. Durante as dúas xornadas está programadas varias mesas de traballo para abordar da man de expertos aspectos como a investigación, na que todo o protagonismo será para o Centro Tecnolóxico do Mar-Fundación CETMAR -dependente da Consellería do Mar-, así como á pesca de baixura, marisqueo, empresa ou acuicultura.

Por outra banda, tamén se presentou o libro resumen da XXV edición do ForoAcui. Unha edición especial onde se rendeu homenaxe ás persoas e entidades que apoiaron de xeito significativo ao celebración deste evento e que permitiron que se cumpriran estes 25 anos. Con más de 50 artigos que recollen os aspectos científico-técnicos máis novidosos da acuicultura e dos recursos do mar así como os relatorios dunha xornada especial sobre a evolución da produción pesqueira e acuicultura dos últimos 25 anos. O acceso a este libro, así como de todos os anteriores, é público e pode ser descargado desde a sección de publicacións da web www.foroacui.com onde tamén se pode ver todas as charlas das últimas edicións deste Congreso.

Set 30
0

Cooperación Internacional

By | Novidades | No Comments

A Fundación CETMAR colabora coa FAO na profesionalización do sector pesqueiro de São Tomé e Príncipe

  • O Centro Tecnolóxico do Mar traballará no recoñecemento das competencias profesionais dos pescadores e no deseño de dúas embarcacións adaptadas ás necesidades da pesca artesanal na zona, no marco do programa FISH4ACP ‘Desbloqueando o potencial da pesca e da acuicultura en África, no Caribe e no Pacífico’
  • Dous expertos da fundación galega participan nunha misión no país centroafricano para realizar o traballo de campo e coñecer de primeira man a labor dos pescadores e as condicións ambientais da actividade pesqueira
  • A Organización das Nacións Unidas para a Alimentación e a Agricultura executa esta acción con financiamento da Unión Europea e do Ministerio Federal de Cooperación Económica e Desenvolvemento de Alemaña

O Centro Tecnolóxico do Mar-Fundación CETMAR colaborará coa Organización das Nacións Unidas para a Agricultura e a Alimentación-FAO nun programa para mellorar o sector pesqueiro de São Tomé e Príncipe a través da profesionalización dos pescadores e a optimización das súas embarcacións.

O traballo, que leva a dous expertos da institución dependente da Consellería do Mar ata ao país centroafricano, enmárcase dentro do programa FISH4ACP, “Desbloqueando o potencial da pesca e da acuicultura en África, no Caribe e no Pacífico”, que busca facer máis sostibles as cadeas de valor da pesca e da acuicultura.

No caso de São Tomé e Príncipe, a estratexia pasa, entre outras accións, por desenvolver e fortalecer as capacidades e a organización dos actores e incrementar as infraestruturas e equipos do sector pesqueiro, unha labor que corre a cargo dos técnicos da área de Cooperación Internacional da Fundación CETMAR, que prestará este servizo á FAO.

Tras unha revisión bibliográfica e reunións previas cos responsables do programa da FAO e institucións relevantes no ámbito da pesca, como a Direção das Pescas e Aquicultura, dous expertos do Centro Tecnolóxico do Mar viaxan agora a São Tomé e Príncipe para o traballo de campo.

O obxectivo e coñecer as condicións de traballo dos pescadores e palaiês (comercializadoras de peixe), a súa labor e os perfís profesionais necesarios para levala a cabo, ademais de analizar as condicións nas que se desenvolve a actividade pesqueira e visitar diferentes estaleiros. Durante a misión en terreo, estarán apoiados en todo momento polos técnicos da ONG local Mar, Ambiente e Pesca Artesanal (Marapa), con notable experiencia na zona.

A misión desenvolverase entre o 30 de setembro e o 4 de outubro e incluirá reunións de traballo con representantes das institucións e administracións con competencias no ámbito pesqueiro de São Tomé e Príncipe.

O obxectivo xeral do traballo a desenvolver polo Centro Tecnolóxico do Mar é promover o recoñecemento das competencias laborais adquiridas polos profesionais pesqueiros no desempeño da súa labor e sentar as bases dos programas de cualificación profesional cara a unha inserción laboral satisfactoria, ampliando as competencias básicas dos pescadores artesanais.

Así mesmo, CETMAR traballará na identificación de necesidades, no deseño e na definición de solucións construtivas para a construción de dous prototipos de embarcacións para actividades de pesca artesanal que cumpran os criterios de ergonomía e seguridade e adaptadas ás artes de pesca da zona, preservando a identidade cultural das comunidades pesqueiras de São Tomé e Príncipe.

O programa FISH4ACP no que se enmarca o traballo encargado por FAO á fundación galega está financiado pola Unión Europea e polo Ministerio de Cooperación Económica e Desenvolvemento (BMZ) de Alemaña.

Set 20
0

Centro de Formación A Aixola

By | Novidades | No Comments

Villares resalta a importancia da formación dos profesionais vinculados ao sector marítimo-pesqueiro

  • O conselleiro do Mar visitou o Centro de Formación A Aixola en Marín, que acaba de iniciar un novo curso, e que desde 1997 ven formando aos colectivos da pesca que buscan capacitarse noutros oficios do mar
  • O responsable autonómico puxo en valor o compromiso da entidade coa calidade educativa, reflectida nos resultados de inserción laboral do seu alumnado, que acada o 70 por cento

O conselleiro do Mar, Alfonso Villares, salientou a importancia da formación dos profesionais vinculados aos sectores do mar e da pesca así como resaltou a labor que neste ámbito ven realizando desde 1997 o Centro de Formación A Aixola, que visitou en Marín acompañado pola alcaldesa da localidade, María Ramallo e representantes da Autoridade Portuaria, coincidindo co inicio dun novo curso.

Nun percorrido polos diferentes talleres do centro, que ten a súa sede no Porto de Marín, o responsable autonómico destacou a calidade educativa dunha entidade que, xestionada pola Consellería do Mar a través do Centro Tecnolóxico do Mar-Fundación CETMAR, ven acadando uns excelentes resultados de inserción laboral dos seus alumnos. Así, no 2023 a práctica totalidade do alumnado que buscou emprego conseguiu entrar no mundo laboral tras finalizar a súa formación, mentres que o resto continuou o seu itinerario formativo, acadando así cerca dun 70% de inserción.

A Aixola iniciou esta semana un novo curso para o que ten programadas sete accións formativas e para o que ofertou un total de 84 prazas destinadas a alumnos vinculados ao sector pesqueiro. As clases totalizarán cerca de 1.600 horas de formación de carácter gratuíto das que poden beneficiarse operarios da pesca, mariscadoras e mariscadores, cónxuxes destes ou persoas con titulación ou certificado para traballar no sector pesqueiro.

Na súa visita ao centro, o conselleiro do Mar puido comprobar o desenvolvemento dun dos cursos que deu comezo esta semana, como é o caso do de laminado manual en poliéster para pezas de uso en acuicultura e en construción naval, xunto ao de elaboración e instalación de cubertas de madeira en embarcacións menores, que se desenvolve pola tarde.

A oferta do centro de formación para este 2024 complétase cos cursos de confección e mantemento de artes e aparellos, electricidade e hidráulica básicas aplicadas ao buque, reparación de embarcación pneumáticas, soldadura autóxena e prevención de riscos laborais no sector pesqueiro, ademais de titorías de apoio ao autoemprego e á busca de emprego.

A especialidade do centro dependente da Consellería do Mar, cunha actividade formativa cofinanciada polo Fondo Europeo Marítimo, de Pesca e da Acuicultura (Fempa), é a aprendizaxe baseada no traballo, combinando a preservación do coñecemento tradicional coa innovación. A metodoloxía de ensino, centrada no aprendiz e nas súas necesidades, é eminentemente práctica e permite unha formación sólida que deriva en altas taxas de inserción laboral do alumnado.

Capacitando desde 1997

O Centro de Formación A Aixola dirixe a súa actividade aos colectivos de pesca que buscan capacitarse noutros oficios do mar desde 1997, cando iniciou a súa andaina a iniciativa da Consellería do Mar en instalacións da Autoridade Portuaria de Marín e Ría de Pontevedra. A xestión da entidade é responsabilidade do Centro Tecnolóxico do Mar-Fundación CETMAR desde o ano 2004. Durante este período, máis de 2.000 alumnos recibiron formación en oficios complementarios da pesca.

O enfoque de traballo do centro reforza ademais o tecido social da contorna, a través das múltiples colaboracións articuladas con outra administracións e organismos da súa comunidade, tanto para a selección de proxectos de traballo en taller, coma a captación de usuarios, a orientación das accións formativas ás necesidades reais das empresas ou a realización de prácticas.

A Aixola incide tamén na inclusión social, apoiando a integración de colectivos en risco de exclusión e fomentando a igualdade de xénero nas actividades con maior segregación. As titorías de formación compensatoria permiten equilibrar o nivel de coñecementos básicos dos alumnos, integrados en grupos nos que se favorece a aprendizaxe mutua.

Set 13
0

Formación, emprego e inserción laboral

By | Novidades | No Comments

Últimos días para inscribirse nos cursos do Centro de Formación A Aixola

O Centro de Formación da Aixola lanzará nos próximos días a súa nova oferta, pensada para potenciar as competencias e facilitar a inserción do seu alumnado en áreas clave do sector marítimo-pesqueiro. Estes cursos son gratuítos, e están cofinanciados pola Consellería de Mar da Xunta de Galicia e a Unión Europea a través do Fondo Europeo Marítimo, de Pesca e Acuicultura (FEMPA).

Poderán beneficiarse destes cursos os operadores pesqueiros, mariscadores, os seus cónxuxes ou persoas con titulación ou certificado para traballar no sector pesqueiro.

Un dos cursos destacados é “Reparación de embarcacións pneumáticas”, que non só se centra na reparación de embarcacións pneumáticas e embarcacións de uso recreativo, senón que tamén permite traballar cunha variedade de produtos inchables como táboas de paddle surf, castelos inchables, equipos inchables de mergullo e outros elementos recreativos Esta formación permite así traballar en múltiples sectores, dende o mantemento de equipos de emerxencia ata a reparación de elementos para eventos e parques infantís.

Ademais, durante o mes de setembro comezarán tamén os cursos nas áreas de instalacións, composites, redes e madeira. A oferta do centro de formación complétase cun curso en liña sobre prevención de riscos laborais no sector pesqueiro e con titorías de apoio ao autoemprego e á procura de emprego.

As 1.575 horas de formación programadas repartiranse no curso de fabricación e mantemento de artes e equipamentos (330 horas); electricidade básica e hidráulica aplicada ao buque (275 horas), e preparación e instalación de cubertas de madeira en embarcacións menores e laminación manual de poliéster para pezas utilizadas en acuicultura e construción naval, ambas de 300 horas.

A oferta de A Aixola para o vindeiro semestre complétase cos cursos de soldadura autóxena (20) e PRL no sector pesqueiro (50 horas).

O compromiso do Centro de Formación A Aixola coa calidade educativa reflíctese nos excelentes resultados de inserción laboral do seu alumnado. En 2023, a práctica totalidade dos estudantes que buscaron emprego lograron incorporarse ao mundo laboral tras rematar a súa formación, mentres que o resto continuou o seu itinerario formativo, chegando así ao 70% de integración.

A inscrición está aberta e é posible unirse á lista de espera para asegurar a praza. Para obter máis información sobre os cursos e como inscribirse pódese visitar a páxina web do centro ou contactar directamente con el.

Set 12
0

ForoAcui

By | Eventos, Novidades | No Comments

O XXVI Foro dos Recursos Mariños e da Acuicultura das Rías Galegas repasa a historia do Centro Tecnolóxico do Mar nunha mesa dedicada á investigación

O Centro Tecnolóxico do Mar-Fundación CETMAR estará presente no Foro dos Recursos Mariños e a Acuicultura das Rías Galegas, que na súa XXVI edición repasará a historia da institución nunha mesa dedicada á investigación e protagonizada por catro dos seus técnicos. Será o vindeiro 9 de outubro, cando ForoAcui abra dúas xornadas de relatorios e debates que terán lugar no auditorio municipal de O Grove, na provincia de Pontevedra, ata o día 10.

Marisa Fernández, coordinadora da área de Control e Xestión do Medio e os Recursos Mariños de CETMAR, será a encargada de abrir a mesa de investigación dedicada ao centro cun relatorio no que repasará os 23 anos de historia da fundación galega e na que abordará tamén os retos de futuro do centro dependente da Consellería do Mar.

Pola súa banda, José Luis Santiago Castro-Rial, técnico da área de Socioeconomía da Pesca, falará a continuación sobre a información práctica e as innovacións aplicadas á planificación espacial mariña, mentres que Silvia Torres, coordinadora da Unidade de Tecnoloxías Mariñas, intervirá a continuación para abordar a observación do medio mariño e as aplicacións máis directas na acuicultura e no marisqueo.

Os avances no coñecemento e nas oportunidades de transferencia na xestión dos recursos pesqueiros e marisqueiros, centrados no caso particular do berberecho, centrarán a última intervención do panel de investigación, que virá da man de Rosa Fernández Otero, coordinadora do CETMAR Tecnoloxía. Área de promoción e transferencia.

Todo isto a partir das 11:15 horas do 9 de outubro, día no que se inaugura o Foro Acui cunha intervención maxistral de Adolfo Alvial, director executivo do Club de Innovación Acuícola de Chile, sobre a evolución do ecosistema de innovación na acuicultura chilena.

A inscrición no foro, que conta entre os seus patrocinadores coa Consellería do Mar e a Universidade de Santiago de Compostela, será posible ata o vindeiro 7 de outubro a través da páxina web do evento (https://foroacui.com/inscripciones/), onde tamén é posible consultar o programa completo e todos os detalles da organización.

Dende 1998, o Foro dos Recursos Mariños e a Acuicultura das Rías de Galicia pretende ser un espazo de referencia para comunicar a realidade e as perspectivas de futuro da pesca, o marisqueo e a acuicultura en Galicia. A formación, a divulgación e, principalmente, a interacción entre investigadores, empresarios e administración son os seus principais obxectivos.

Xuñ 19
0

Turismo y economía

By | Eventos, Novidades | No Comments

Gunter Pauli, el gurú de la Economía Azul, participará como ponente en el congreso Sun&Blue

  • Será el encargado de ofrecer la Keynote Speaker prevista para la jornada inaugural del congreso
  • También es miembro del Comité de Honor del congreso

Gunter Pauli, más conocido como el creador del concepto Economía Azul, será el encargado de impartir la ponencia magistral en la apertura del Sun&Blue Congress, congreso internacional de Turismo y Economía Azul con cuya organización colabora, por primera vez en esta edición, el Centro Tecnológico del Mar-Fundación CETMAR.

Considerado el “padre” de la Economía Azul, las actividades empresariales de Pauli abarcan los negocios, la cultura, la ciencia, la política y el medioambiente. Bajo su dirección, la empresa Ecover fue pionera en la creación de una fábrica ecológica en 1992. Fundó la organización Zero Emissions Research and Initittives (ZERI) en la Universidad de las Naciones Unidas en Tokio y estableció la Red Global ZERI como fundación, redefiniendo la producción y el consumo en grupos industriales inspiradas en los sistemas naturales.

Su enfoque visionario, respaldado por decenas de proyectos sobre el terreno, le valió una invitación para presentar sus casos en la Exposición Universal 2000 de Alemania. Allí construyó el mayor pabellón de bambú de los tiempos modernos, presentando siete iniciativas innovadoras. Entre sus últimas iniciativas figuran una solución a la sopa de plástico que flota en los océanos y la creación de una zona protegida con islas para evitar la subida del nivel del mar.

Ha sido conferenciante y profesor invitado en universidades de todos los continentes y miembro de consejos de administración de ONG y empresas privadas en Asia, Estados Unidos y América Latina. Ha asesorado a gobiernos y empresarios sobre cómo aplicar innovaciones revolucionarias que permitan a la sociedad actual satisfacer mejor las necesidades básicas, empezando por el agua, los alimentos, la vivienda, la salud y la energía.

Es miembro de la Academia Mundial de las Artes y las Ciencias (San Francisco, EE. UU.), miembro fundador del Club de Budapest (Hungría) o miembro del Club de Roma. Ha publicado 20 libros traducidos a más de 30 idiomas y ha escrito 365 fábulas que acercan la ciencia y la emoción a los niños, distribuyéndose más de 17 millones de ejemplares por todo el mundo en más de 100 idiomas.

Además de como ponente, Gunter Pauli participa en Sun&Blue Congress como miembro del Comité de Honor junto a S. M. El Rey Don Felipe VI y Paul Holthus, presidente fundador y director general del Consejo Mundial de los Océanos.

Además de su conferencia, en esta primera jornada del evento, prevista para el 20 de noviembre en el Palacio de Congresos y Exposiciones de Almería, se celebrarán el acto inaugural y once mesas de debate en las temáticas Tecnología y Puertos e Industria Marítima, además de una fiesta de bienvenida.

La segunda jornada de Sun&Blue Congress tratará entorno a Energía, Islas y Territorios, Costas y Playas, y Cultura y Gastronomía, teniendo como actos sociales la cena de gala y los Premios Sun&Blue 2024, cuyo plazo de presentación de candidaturas está ya abierto. La última jornada se centrará en Financiación, Hotelería, Deporte y acogerá el acto de clausura. En cada una de las jornadas de celebración, Sun&Blue Congress contará con una Keynote Speaker.

Sobre Sun&Blue

Sun&Blue Congress está considerado el primer congreso internacional de Turismo y Economía Azul. La cita internacional es promovida por beon. Worldwide y patrocinada por el Ayuntamiento de Almería, la Diputación de Almería, y la Consejería de Sostenibilidad, Medio Ambiente y Economía Azul de Andalucía.

En su primera edición de celebración, en 2023, logró los siguientes datos:

  • Un congreso con tres días de celebración.
  • 900 asistentes de 21 nacionalidades.
  • 169 ponentes, 35 mesas de debate, 11 conferencias, 4 keynotes y 6 eventos paralelos.
  • Patrocinio de 25 empresas privadas.
  • Participación de 35 instituciones nacionales e internacionales con la presencia de la iniciativa WestMED de la Comisión Europea.
  • Zona expositiva con 22 empresas representadas.
  • Certificación de ‘Evento Sostenible’ según la ISO 20121:2013.
  • Impacto total generado en Almería de 3.427.801€.
Mai 22
0

#CienciasMariñasGal

By | Novidades | No Comments

O Programa de Ciencias Mariñas de Galicia presenta os seus avances nunha asemblea que reúne en Santiago a máis de 170 investigadores

  • Durante a xuntanza, que tivo lugar hoxe na Cidade da Cultura, desenvolvéronse 36 relatorios agrupados en 5 paneis por parte de expertos de 10 institucións
  • A xornada serviu para presentar aos membros do comité experto externo, un órgano consultivo independente que prestará asesoramento e apoio estratéxico

A cuarta asemblea do Programa de Ciencias Mariñas de Galicia reuniu hoxe na Cidade da Cultura de Santiago de Compostela a máis de 170 investigadores, nunha xornada na que se presentaron os avances do plan e os resultados e coñecementos xerados ata agora, grazas ao traballo desenvolvido polas 14 institucións e centros de investigación implicados no mesmo.

Como novidade nesta edición, presentáronse os membros do comité experto externo, un órgano consultivo independente creado polo propio Programa de Ciencias Mariñas de Galicia co obxectivo de recibir asesoramento externo e apoio estratéxico, así como para avaliar a calidade da actividade científica e de innovación desenvolvida polo programa, promovendo ademais o seu aliñamento con outras iniciativas externas.

Composto por Arantza Murillas Maza, Eva García Vázquez, Dolors Furones Nozal, Juanjo Dañobeitia Canales e Xabier Irigoien Larrazabal que desenvolven a súa labor, pola mesma orde, no Centro de Investigación Marina e Alimentaria-AZTI, a Universidade de Oviedo, o Instituto de Investigación e Tecnoloxía Agroalimentarias (IRTA), o Centro Mediterráneo de Investigacións Mariñas e Ambientais (Cmima-CSIC) e do NEOM de Arabia Saudí, este comité contribuirá ademais á difusión do programa galego e a transferencia dos seus resultados.

Esta cuarta asemblea do Programa de Ciencias Mariñas de Galicia estivo estruturada en tres bloques temáticos e cinco paneis nos que se enmarcaron os 36 relatorios, que correron a cargo do persoal e mocidade investigadora de MeteoGalicia, IEO-CSIC de A Coruña e Vigo, IIM-CSIC, Intecmar, Cetmar, Cesga e das universidades de Santiago, Vigo e A Coruña.

O coñecemento como panca para a xestión sostible do medio, a transformación social e a resiliencia no entorno litoral; a investigación e innovación para unha xestión pesqueira e unha produción acuícola sostible e intelixente, e a estratexia integrada de observación e monitorización mariña en Galicia foron os tres eixes temáticos nos que se enmarcaron as 17 presentacións desenvolvidas ao longo da mañá e da tarde.

Dentro de cada bloque houbo a maiores 19 charlas curtas a cargo da mocidade investigadora que está a traballar nas institucións e centros de investigación comprometidas no programa, que tiveron así oportunidade de presentar os avances no desenvolvemento de ferramentas innovadoras para a observación mariña ou para a xestión dos recursos mariños, e de novos modelos para a produción acuícola, entre outros.

Financiamento

O Programa de Ciencias Mariñas de Galicia está dotado con 10 millóns de euros, 6 millóns achegados polo Ministerio de Ciencia e Innovación mediante os Fondos do Programa Next Generation EU, e 4 millóns da Xunta de Galicia, a través do Fondo Europeo Marítimo, da Pesca e da Acuicultura (Fempa).

A súa finalidade é transformar e mellorar a resiliencia da Galicia do mar, coordinando e impulsando a labor de investigación, desenvolvemento tecnolóxico e o diálogo entre o sector científico e de innovación e a sociedade galega. Esta dirección estratéxica céntrase na ciencia mariña e busca fomentar a colaboración entre a comunidade investigadora galega e os axentes sociais, económicos e institucionais vinculados ao mar.

Coordinado polo IIM-CSIC, Centro Tecnolóxico do Mar-Fundación CETMAR, e do Centro de Investigación Mariña da Universidade de Vigo (CIM), o Programa conta coa participación do Centro de Investigacións Mariñas (CIMA), Instituto Galego de Formación Acuícola (IGAFA), MeteoGalicia, o Instituto Español de Oceanografía (IEO-CSIC), o Instituto Tecnolóxico para o Control do Medio Mariño de Galicia (INTECMAR), o Centro de Supercomputación de Galicia (CESGA),  a Universidade de Santiago de Compostela (USC) e a Universidade da Coruña (UdC).

Xunto a Galicia, as comunidades de Andalucía, Cantabria, Comunitat Valenciá, Canarias, Illes Balears e Murcia, tamén participan no desenvolvemento do Programa nacional de Ciencias Mariñas–ThinkInAzul no marco dos Planes Complementarios de I+D+i coas Comunidades Autónomas, que forma parte do Programa de Recuperación, Transformación e Resiliencia do estado.

Abr 24
0

CienciasMariñasGal

By | Novidades | No Comments

O Programa de Ciencias Mariñas de Galicia busca novas tecnoloxías e métodos para mellorar a eficiencia da observación e seguimento do medio mariño

  • Baixo a coordinación do IEO-CSIC e o CETMAR, mais de 50 investigadores implicados nesta tarefa reuníronse hoxe na sede do Centro Tecnolóxico do Mar enVigo para analizar o avance do paquete de traballo 3

A sede da Fundación CETMAR en Vigo foi escenario hoxe dunha nova reunión de seguimento do Plan Galego de Ciencias do Mar, nesta ocasión dos expertos implicados no paquete de traballo 3, que buscan aumentar a eficiencia da observación e seguimento do medio mariño a través da mellora, desenvolvemento e integración de novas tecnoloxías e metodoloxías.

O encontro, que reuniu a mais de medio cento de representantes das oito institucións implicadas neste paquete de traballo (IEO-CSIC, IIM-CSIC, CIMA, INTECMAR, as universidades de Santiago, A Coruña e Vigo e CETMAR) serviu para poñer enriba da mesa os máis salientables avances respecto das actuacións contempladas neste paquete de traballo, así como os seguintes pasos a dar.

O obxectivo final é aumentar a eficiencia da observación e seguimento do medio mariño, incidindo nas necesidades de Galicia e na colaboración entre institucións, así como con outros axentes do mar galego. sistema científico. Deste xeito, preténdese dar un impulso á innovación no ámbito mariño e á investigación necesaria para afrontar os retos asociados ao cambio climático e á economía do mar.

Para elo, os investigadores incidirán no desenvolvemento de tecnoloxías e metodoloxías de monitorización con alto grao de automatización, enfocando os esforzos na monitorización eficaz e precisa dos ecosistemas mariños e a calidade de as súas augas, incluíndo entre outros o seguimento dos procesos bioxeoquímicos, a detección de contaminantes químicos regulados e emerxentes e a detección de microplásticos.

Tamén se traballa na integración de novas tecnoloxías na monitorización da biodiversidade e dos procesos da comunidade planctónica e do intermareal rochoso, así como en mellorar a monitorización dos recursos pesqueiros e a calidade e seguridade dos produtos da pesca e da acuicultura.

O Programa de Ciencias do Mar de Galicia enmárcase nos Plans Complementarios de Ciencias do Ministerio de Ciencia, Innovación e Universidades incluídos no Plan de Recuperación, Transformación e Resiliencia (PRTR-C17.I1), e está financiado a través da Xunta de Galicia con fondos Next GenerationEU. e o Fondo Europeo Marítimo de Pesca e Acuicultura da Unión Europea.

Abr 18
0

Proxecto REDUCE

By | Novidades | No Comments

CETMAR e 12 institucións de 5 países traballan nunha investigación europea para reducir a captura incidental de megafauna mariña ameazada

  • O proxecto Reduce buscará a colaboración de todas as partes interesadas para abordar este desafío e contribuír a unha xestión pesqueira más sostible
  • Coordinada pola Universidade de Barcelona, trátase dunha iniciativa de investigación financiada pola Comisión Europea a través do programa Horizonte Europa
  • A reunión de lanzamento terá lugar desde hoxe e ata o sábado na cidade condal, no que será o encontro de inicio de catro anos de traballo conxunto

O Centro Tecnolóxico do Mar-Fundación Cetmar traballará os vindeiros catro anos da man de 12 institucións de 5 países de Europa e África nun novo proxecto europeo cuxo obxectivo é reducir a captura incidental de megafauna ameazada no Atlántico central e oriental e contribuír así a unha xestión pesqueira más sostible

Coordinado pola Universidade de Barcelona, o proxecto Reduce deu comezo en xaneiro de 2024 e a súa actividade, financiada pola Unión Europea a través do programa Horizonte Europa, prolongaranse ata decembro de 2027. Para elo, o consorcio formado por 13 institucións de España, Portugal, Francia e Reino Unido contará cun presuposto de case 9 millóns de euros.

A través dunha perspectiva interdisciplinar, e coa integración de metodoloxías científicas de vangarda e da análise de datos robustos, esta nova acción europea pretende proporcionar coñecementos prácticos que permitan mellorar os sistemas de observación, protexer a biodiversidade mariña e promover prácticas pesqueiras máis responsables, todo elo coa colaboración de todas as partes interesadas.

Co obxectivo de compartir coñecementos e de avanzar na planificación das actividades a desenvolver nos vindeiros meses, a reunión de lanzamento reunirá en Barcelona desde hoxe e ata o sábado a mais de corenta representantes das 13 institucións que conforman o consorcio, entre as que se atopan tamén a Universidade de Santiago de Compostela, e o CSIC a través o Instituto e Investigacións Mariñas  e de varios dos centros do Instituto Español de Oceanografía.

Durante a primeira xornada de traballo, o consorcio Reduce abordará o contexto actual nos caladoiros de pesca de longa distancia e a situación da xestión pesqueira onde operan as flotas europeas, así como sobre o estado dos ecosistemas mariños no Atlántico Centro-Oriental.

A reunión de lanzamento servirá ademais para, no seu segundo día, debater sobre a integración de datos de capturas incidentais de flotas europeas na zona obxecto de estudio xunto con información sobre o esforzo pesqueiro e a distribución de especies. Tamén se valorará a mellora dos programas de observadores, o sistemas de seguimento electrónico ou o uso da intelixencia artificial para proporcionar datos de alta resolución, así como o establecemento de mecanismos eficientes de manexo e intercambio de datos.

Desenvolver solucións sostibles para a captura incidental require integrar diversas fontes de datos científicos e avaliar de forma crítica os marcos actuais de gobernanza mariña nas áreas obxecto do proxecto, polo que o consorcio prevé unha estreita colaboración coa industria e as autoridades, incluíndo as dos países de África Noroccidental.

Ademais do CETMAR, o consorcio REDUCE está formado polas universidades de Barcelona, ​​​​Valencia, Santiago de Compostela e Coimbra; o Instituto de Investigacións Mariñas (IMM) e o Instituto Español de Oceanografía (IEO) do Consello Superior de Investigacións Científicas (CSIC); o Instituto de Investigación para o Desenvolvemento (IRD); o Centro Interdisciplinar de Investigacións Mariñas e Ambientais (CIIMAR); o Centro de Investigación en Biodiversidade e Recursos Xenéticos (CIBIO-BIOPOLIS), a empresa DATAFISH e a Alianza Rexional para a Conservación das Zonas Costeiras e Mariñas (PRCM). Neste proxecto colaborarán como asociados BirdLife International e a Marine Biological Association, ambas con sede no Reino Unido.

Abr 18
0

#CienciasMariñasGal

By | Novidades | No Comments

O Programa de Ciencias Mariñas de Galicia traballa para reforzar a acuicultura de moluscos bivalvos en Galicia mediante novos procedementos e ferramentas que garantan un abastecemento sustentable de sementes

  • Os investigadores que forman parte do paquete de traballo 7 sobre produción sostible de moluscos mantiveron hoxe unha reunión de seguimento na sede do Centro Tecnolóxico do Mar-Fundación CETMAR en Vigo

Unha nova reunión de seguimento do Programa de Ciencias Mariñas de Galicia tivo lugar hoxe na sede do Centro Tecnolóxico do Mar-Fundación CETMAR en Vigo, neste caso do paquete de traballo 7, que traballa para facer máis sostible a produción de moluscos bivalvos en Galicia.

Como ven sendo habitual neste tipo de encontros, a reunión, que se prolongou durante toda a mañá, permitiu analizar o avance dos traballos en todas as actuacións previstas neste paquete, que ten como obxectivo achegar procedementos e ferramentas que garantan un abastecemento sostible de semente para mellorar e potenciar a acuicultura de moluscos bivalvos, nun contexto de explotación sostible dos recursos naturais en Galicia.

Coordinado polo IIM-CSIC e o IEO-CSIC, e coa participación de CETMAR, CIMA, IGAFA e das universidades de Santiago e A Coruña, o PT7 representa o maior esforzo de investigación multidisciplinar sobre o cultivo integral de moluscos bivalvos de importancia marisqueira realizado ata a data en Galicia. No futuro, os resultados obtidos servirán tamén de referencia para desenvolver protocolos aplicables a outras especies.

Ademais de garantir un abastecemento sustentable de semente, tanto no medio natural como nos criadeiros, o PT7 pretende desenvolver os coñecementos necesarios para a súa produción durante todo o ano, e especialmente fóra do período natural. Ademais, e a través deste paquete de traballo, os investigadores buscan garantir a restauración dos bancos naturais, mantendo a diversidade e o equilibrio ecolóxico, e contribuír a manter e mellorar a actividade marisqueira, garantindo o emprego local.

O Programa de Ciencias Mariñas de Galicia enmárcase nos Plans Complementarios de Ciencias do Ministerio de Ciencia, Innovación e Universidades incluídos no Plan de Recuperación, Transformación e Resiliencia (PRTR-C17.I1), e está financiado a través da Xunta de Galicia con fondos Next GenerationEU. e o Fondo Europeo Marítimo de Pesca e Acuicultura da Unión Europea.