Marta González

O Centro Tecnolóxico do Mar-Fundación CETMAR acollerá os días 8 e 9 de outubro a reunión final do proxecto europeo OYSTERECOVER, cuxos resultados sobre a recuperación da produción de ostra plana faranse públicos no transcurso dun taller aberto ao público previsto para o día 10 dese mesmo mes.

Esta iniciativa, financiada pola Unión Europea e coordinada polo CETMAR, será presentada ademais un día despois en O Grove no marco do Foro dos Recursos Mariños e da Acuicultura.

O principal obxectivo deste proxecto é contribuír á recuperación da produción de ostra plana mediante a utilización de ferramentas biotecnolóxicas que permitan, no futuro, a obtención de estirpes resistentes a bonamiose.

Precisamente a revista International Innovation ven de facerse eco dos traballos desenvolvidos ao amparo desta iniciativa nunha reportaxe publicada no seu número de agosto (www.cetmar.org/DOCUMENTACION/p59-61_Oysterecover_hr.pdf).

Ademais do Centro Tecnolóxico do Mar, participan no proxecto OYSTERECOVER como socios Agrocampus Ouest; Atlantic Shellfish Ltd, ASL; Centre for Environment, Fisheries & Aquaculture Science, CEFAS; Centro de Investigacións Mariñas, CIMA; Clew Bay Marine Forum Ltd., CBMF; Clew Bay Oyster Co-operative Ltd., CBOC; Confraría de Pescadores San Bartolomé de Noia; Den Erhvervsdrivende Fond Dansk Skaldyrcenter, DSC; José María Daporta Leiro e Hijos S.L.; Nederlandse Oestervereniging, NEDOYS; Comité Régionale de la Conchyliculture Bretagne-Nord, CRCBN; Universidade de Santiago de Compostela, USC; University College Cork, National University of Ireland, UCC, e Wageningen IMARES.

A sede do Centro Tecnolóxico do Mar-Fundación CETMAR en Vigo acollerá o vindeiro 12 de setembro unha xornada-taller sobre instrumentos de apoio ao desenvolvemento de proxectos de I+D+I empresariais no sector marítimo-pesqueiro.

Esta actividade ten como obxectivo dar a coñecer os instrumentos xestionados polo Centro para el Desarrollo Tecnológico Industrial (CDTI) cara a apoiar o desenvolvemento de proxectos de I+D+I empresariais, cunha orientación específica a identificar as posibilidades para as empresas do complexo mar-industria.

O evento, previsto ás nove e media da mañá, terá unha primeira parte na que Carlos Franco, técnico do departamento de Saúde, Bioeconomía, Clima e Recursos Naturais do CDTI, explicará os seguintes programas:

–          Programa EEA Grants para o financiamento de proxectos de I+D no ámbito das enerxías renovables e o medioambiente, cambio climático e recursos naturais, unha convocatoria aberta ata o 4 de outubro.

–          Novo instrumento de apoio á innovación tecnolóxica: Liña Directa de Innovación, que pode financiar inversións en tecnoloxía e modernización dos sistemas produtivos nas empresas.

–          Outras axudas financeiras para proxectos de investigación e desenvolvemento: PID, financiamento do Fondo tecnolóxico, programas de cooperación tecnolóxica internacional.

–          Instrumentos para o fomento da creación e consolidación de empresas de base tecnolóxica: Neotec e Invierte

–          Informes motivados ex–ante para a deducción fiscal por I+D que acompañan aos proxectos de I+D financiados polo CDTI.

A continuación terá lugar unha rolda de reunións bilaterais para a revisión de ideas de proxecto entre o experto do CDTI e as entidades que o solicitaran. Para elo, deben enviar a ficha (Descargar ficha idea de propuesta) antes do día 10 de setembro á dirección de correo transferencia_tecnologia@cetmar.org.

Estes encontros desenvolveranse de maneira presencial, aínda que se estudiará a posibilidade de manter algunha reunión por videoconferencia se así se solicita.

As persoas interesadas en asistir a esta xornada deberán inscribirse utilizando el cuestionario habilitado en http://www.cetmar.org/seminarios/Jornada_Taller/ onde deberán indicar se a súa asistencia será presencial ou por streaming, xa que a charla poderá seguirse en directo a través de campusdomar TV (http://tv.campusdomar.es/) con posibilidade de intervir na rolda de preguntas vía chat.

O Centro Tecnolóxico do Mar-Fundación CETMAR está a liderar un proxecto cara a fortalecer o sector pesqueiro en Sao Tomé e Príncipe, unha nova iniciativa de cooperación internacional financiada pola Unión Europea que pretende ademais repercutir nas condicións de vida sociais, económicas e nutricionais da poboación que depende deste sector.

“Fortalecemento da sociedade civil como estratexia de desenvolvemento económico e social no sector pesqueiro” é o título dun proxecto no que o CETMAR traballa xunto á Dirección Xeral de Pesca e o Programa Nacional de Alimentação e Saúde Escolar de Sao Tomé e Príncipe; o Programa Alimentario Mundial das Nacións Unidas; a ONG Marapa; o Instituto de Estudios del Hambre e a asociación ZATONA de apoio ao desenvolvemento de iniciativas locais.

As accións contempladas dentro desta iniciativa desenvolveranse dende este mes ata agosto de 2016 e o seu presuposto e de preto de medio millón de euros, cantidade financiada nun 75% pola Unión Europea.

Entre os obxectivos do proxecto está aumentar a participación de pescadores e vendedoras de peixe nas estratexias de desenvolvemento sectorial e nos procesos de toma de decisións mediante a súa organización previa, ademais de mellorar a capacitación destes profesionais nos ámbitos extractivo e de comercialización e de incrementar a súa rendibilidade económica. Finalmente preténdese promover o acceso aos produtos da pesca artesanal e garantir a seguridade alimentaria e a calidade nutricional dos mesmos.

A área de Cooperación Internacional da Fundación CETMAR ven colaborando co goberno de Sao Tomé e Príncipe no desenvolvemento do sector pesqueiro das illas dende o ano 2007 e a través de diferentes iniciativas.

O Centro Tecnolóxico do Mar ven de convocar unha praza de técnico de proxecto cara o desenvolvemento do proxecto PROFOPESCAS, «Fortalecemento da sociedade civil como estratexia de desenvolvemento económico e social no sector da pesca en Sao Tomé e Príncipe», iniciativa financiada pola Unión Europea.

Os aspirantes deberán acreditar unha licenciatura relacionada co perfil da praza e puntuaranse os servicios prestados en postos e actividades equiparables ou relacionadas coa mesma. O contrato terá unha duración de 21 meses a desenvolver en Sao Tomé e Príncipe.

As bases da convocatoria están dispoñibles en www.cetmar.org/ofertas-de-trabajo/

O Centro de Formación “A Aixola” abre o  proceso de selección para participar en tres das accións formativas incluídas na convocatoria de cursos 2013-2014, que se porá en marcha nas vindeiras semanas nas instalacións do Porto de Marín.

Trátase dos cursos de Modelista Laminador de Poliéster e de Carpintería de Ribeira, ámbolos dous de 600 horas, e doutro curso de Velaría e Acastillaxe, de 350 horas.

As persoas interesadas en asistir aos dous primeiros cursos deberán presentarse no Centro “A Aixola” o vindeiro mércores, 4 de setembro, ás 10:30 da mañá no caso do curso de poliéster, e as cinco da tarde no caso do curso de carpintería.

Os interesados no módulo de Velaría e Acastillaxe poderán realizar a proba de selección, consistente nun pequeno test de coñecementos xerais e nunha entrevista persoal, o xoves 5 de setembro ás 10:30 horas.

As prazas son limitadas, polo que para optar a participar nestes cursos é imprescindible a asistencia a este proceso de selección, ao que os aspirantes deberán acudir co seu DNI.

O Centro Tecnolóxico do Mar está a traballar como asistencia técnica co Campus do Mar no  proxecto de cooperación internacional “Fortalecemento da investigación mariña en Cabo Verde”, no marco do cal estase a impartir estes días na localidade caboverdiana de Mindelo un curso de especialización en análises costeiro, iniciativa que conta co apoio da Xunta de Galicia e Cooperación Galega.

O curso, destinado a profesores e investigadores de Cabo Verde, está dividido en cinco bloques temáticos impartidos por expertos do Campus do Mar. Durante estes primeiros quince días de xullo, representantes das universidades de Aveiro, Vigo, A Coruña e Santiago e do Instituto Español de Oceanografía abordarán diferentes temáticas como a  erosión e as dinámicas sedimentarias das praias, a socioeconomía da pesca e a xestión,  a exploración sustentable dos recursos mariños, o deseño experimental e os impactos sobre ecosistemas.

No marco  deste proxecto de cooperación internacional, e ademais do curso que se está desenvolvendo estes días, catro investigadores caboverdianos -dous pertencentes á Universidade de Cabo Verde e dous do Instituto Nacional de Desenvolvemento das Pescas- están dende o mes de outubro en Galicia facendo o doutorado do Mar.

Campus do Mar tamén instalou unha sala de videoconferencia en Cabo Verde para que os seus estudiantes poidan seguir online os cursos e conferencias que se desenvolven no ámbito do proxecto de Excelencia.

O Centro Tecnolóxico do Mar leva varios anos desenvolvendo proxectos en Cabo Verde e colaboración coa Universidade, co Instituto Nacional de Desenvolvemento das Pescas e coas autoridades do país africano.

Los socios del proyecto GEPETO, que coordina el Centro Tecnológico del Mar-Fundación CETMAR, presentarán esta iniciativa en el Parlamento Europeo a finales del presente mes de julio, cuando expondrán sus objetivos y expectativas ante la DG Mare.

Alcanzado el ecuador del proyecto, las instituciones implicadas en GEPETO acaban de reunirse para analizar los avances y primeros resultados de esta iniciativa que busca la creación de un nuevo modelo de gobernanza y de participación, en la propuesta de medidas de gestión a largo plazo para las pesquerías de la zona atlántica del sur de Europa. El proyecto está financiado por la Unión Europea a través del programa Interreg Espacio Atlántico y el Fondo Europeo de Desarrollo Regional, y cuenta con la participación de instituciones, organizaciones científicas, organizaciones de pescadores y ONGs de España, Francia, Portugal e Irlanda.

Esta iniciativa se plantea como un banco de pruebas en el que puedan diseñarse fórmulas eficaces de gestión a largo plazo aplicables a las pesquerías europeas. El objetivo es el de hacer un trabajo basado en la reflexión y en el consenso de las partes, pues de esta manera las propuestas serán más sólidas, eficaces y duraderas.

El proyecto GEPETO busca el enfoque regional para la gestión de la pesca, dándole protagonismo a todas las partes implicadas en la gestión y creando un marco de cooperación que sirva para planificar la actividad de la pesca en un escenario futuro, determinado por las medidas que la reforma de la Política Pesquera Común (PPC) propone para hacer sostenible la pesca europea.

Siguiendo las recomendaciones de dicha reforma, el trabajo en GEPETO consiste en profundizar en el conocimiento científico de la pesca y crear las herramientas que lo hagan accesible. Para ello se está elaborando un atlas de pesquerías de la zona con la colaboración tanto del sector pesquero como de las administraciones de los estados que operan en este área de pesca. Esta acción está liderada por el instituto IFREMER de Francia y su responsable, Patrick Berthou, presentó dicho atlas el pasado 5 de junio  en un workshop en el Parlamento Europeo llamado “Marine Knowledge 2020”.

También se están consensuando otros aspectos, como la definición de unidades de gestión. Ante el hecho de que la gestión basada en criterios exclusivamente científicos utilizada hasta la fecha no contempla todos los elementos que influyen sobre la correcta gestión de una pesquería, el centro tecnológico AZTI-Tecnalia del País Vasco, socio encargado de esta tarea, está trabajando en la búsqueda de criterios unificados y consensuados que permitan definir las unidades que servirán para la gestión de cualquier pesquería.

Con todos estos datos y el establecimiento de criterios comunes, coordinado por el IPMA de Portugal, se trabaja sobre varias pesquerías seleccionadas a fin de obtener unas recomendaciones (en forma de medidas técnicas o planes de gestión a largo plazo) para su gestión.

Todo el trabajo desarrollado se dará conocer también en el sitio web del proyecto http//www.gepetoproject.eu, que actualmente está en desarrollo. Según Benoit Guerin, del CCR-Sur y coordinador de la web, “el sitio web pretende ser un espacio que de manera sencilla nos permita acceder a la información del proyecto, utilizar las herramientas proporcionadas por los científicos como el atlas de pesquerías de la zona o conocer la opinión y testimonios de los profesionales del mar que será recogido en el módulo participativo”. Además de en la web, el CCR-S también trabaja en la difusión general del proyecto y en la coordinación técnica del mismo.

La coordinación general del proyecto recae en la Fundación CETMAR. Los otros socios participantes son el Instituto Español de Oceanografía, el Marine Institut de Irlanda, la Universidade das Açores y también el NWWRAC, que representa el vínculo con los pescadores del Norte. Todos ellos desarrollan su trabajo sobre los estudios de caso seleccionados.

La próxima reunión con todos los participantes tendrá lugar en octubre en el País Vasco, donde se trabajará sobre los estudios de caso. Ya en Noviembre, durante la última reunión de 2013 que se celebrará en Faro, los socios realizarán un nuevo balance de las actividades programadas para este año.

O Centro Tecnolóxico do Mar-Fundación CETMAR reuniu hoxe en Vigo a medio centenar de representantes da administración e dos sectores turístico e cultural na presentación da ruta marítima Vigo-Viana do Castelo, deseñada no marco do proxecto europeo PROAMARE, que pretende a valorización do patrimonio marítimo e a súa posta en valor como reclamo turístico.

A xornada, que se iniciou cunha charla informativa sobre esta iniciativa e cunha visita guiada ao Museo do Mar de Galicia, incluíu unha viaxe piloto a bordo da goleta Nieves entre os múelles de Bouzas e o porto de Baiona á que asistiron cerca de medio cento de persoas que puideron coñecer as características da ruta proposta polos socios de PROAMARE.

O itinerario entre Vigo e Viana do Castelo prevé dúas horas de navegación a bordo de embarcacións de alto valor patrimonial percorrendo 17 millas náuticas pola Ría de Vigo ata Baiona, para  proseguir por terra ata Viana do Castelo e volver á auga para cruzar o río Miño entre A Garda e a localidade portuguesa de Caminha.

Durante todo o traxecto a ruta permite disfrutar do patrimonio marítimo achegando ao viaxeiro a diferentes puntos de interese como o Museo do Mar de Galicia, Faro Troitiño, Illas Cíes, Monteferro, Fortaleza de Monterreal, Santa Tegra e, xa en Portugal, os fortes do Cao e da Insua, o miradoiro de Santa Luzia ou o navío museo hospital Gil Eannes.

Converter todo ese patrimonio nun reclamo turístico promovendo así a súa valorización e o seu uso sostible é un dos obxectivos do proxecto PROAMARE, financiado pola Unión Europea. Esta iniciativa conta coa participación, xunto á Fundación CETMAR, da Deputación Provincial de Pontevedra, da Cámara Municipal de Caminha, do CIM Alto Minho e da Fundación Gil Eannes.

O Centro Tecnolóxico do Mar-Fundación CETMAR presenta o vindeiro 28 de xuño unha ruta marítima entre Vigo e Viana do Castelo deseñada no marco do proxecto europeo PROAMARE, cuxa finalidade é a recuperación do patrimonio marítimo e a súa posta en valor como reclamo turístico.

Durante esta xornada, que dará comezo as dez da mañá na sede da Fundación CETMAR en Bouzas, os asistentes poderán coñecer de primeira man as características desta ruta e participar nunha viaxe piloto a bordo da goleta Nieves, que cubrirá unha parte do traxecto entre Vigo e Baiona.

Antes de embarcar no peirao de Bouzas, os asistentes desprazaranse ao Museo do Mar de Galicia en Alcabre para asistir a unha charla sobre o proxecto PROAMARE e  a unha ruta guiada por estas instalacións.

De volta en Bouzas, a goleta Nieves partirá ás doce da mañá rumbo a Baiona. A chegada a esta vila está prevista arredor das 14,15 horas, cando terá lugar o regreso a Vigo en autobús. Durante a travesía, os asistentes poderán degustar un aperitivo.

Converter o patrimonio marítimo nun reclamo turístico é un obxectivo cada vez mais en auxe por canto se trata dunha acción que favorece a diversificación da actividade económica especialmente das comunidades costeiras e, ao mesmo tempo, garante a valorización e o mantemento óptimo deses bens materiais ou inmateriais a conservar.

Con ese fin veñen traballando as institucións implicadas no proxecto PROAMARE, como é o caso de, ademais da Fundación CETMAR, a Deputación de Pontevedra, a Cámara Municipal de Caminha, a Fundaçao Gil Eannes e o CIM Alto Minho.

“Os niveis de contaminación química no esteiro do río Miño son en xeral baixos en comparanza con zonas veciñais de Galicia ou Portugal, o cal supón un incentivo para preservar este ecosistema do impacto humano”. Foi unha das conclusións dos traballos realizados no marco do proxecto europeo TEAM-Miño, que hoxe se deron a coñecer nun seminario no Centro Tecnolóxico do Mar, socio nesta iniciativa xunto a institucións galegas e lusas.

A apertura da xornada correu a cargo da directora-xerente da Fundación CETMAR, Paloma Rueda Crespo, quen estivo acompañada polo presidente de Augas de Galicia, Francisco Menéndez, e pola vicerreitora da Universidade de Vigo, Asunción Longo.

Tras varios relatorios científicos expuxéronse as conclusións do proxecto, que pretendía desenvolver ferramentas comúns para a implementación coordinada da Directiva Marco do Auga neste esteiro. Este proceso, afirmaron os expertos, vai especialmente atrasado en augas de transición, debido especialmente ás particularidades deste tipo de augas a medio camiño entre río e mar.

Despois de analizar en profundidade o caso da desembocadura do Miño, os socios de TEAM-Miño concluíron que a actual delimitación das catro masas de auga de transición definidas no esteiro internacional impiden a aplicación de niveis de referencia comúns a todas elas, xa que presentan características hidrográficas e ecolóxicas totalmente distintas.

Para resolver este problema, os expertos propoñen aplicar niveis de referencia típicos de esteiros con dominancia mariña á masa de auga mais externa; niveis de referencia de esteiros con dominancia fluvial á masa intermedia, e finalmente, niveis de referencia de eixes principais fluviais as dúas masas máis internas, que poden así ser fundidas nunha única. Finalmente, para a clasificación do estado ecolóxico destas masas de auga recoméndase empregar “información biolóxica rápida, sensible e ecoloxicamente relevante subministrada polas técnicas denominadas biomarcadores ou bioensaios”.

Coordinado pola Estación de Ciencias Mariñas de Toralla da Universidade de Vigo, no consorcio de TEAM-MIÑO participan xunto á FundaciónCETMARa Axencia Portuguesa do Ambiente; Augas de Galicia; o Centro de Monitorização e Interpretação Ambiental de Vila do Conde; o Centro Interdisciplinar de Investigação Marinha e Ambiental; a Confederación Hidrográfica Miño-Sil; o Instituto Español de Oceanografía; o Instituto Nacional dos Recursos Biolóxicos de Portugal; a  Mancomunidade de Municipios do Baixo Miño e a Universidade de Aveiro.

Ademais do traballo científico, o proxecto incluíu diferentes actividades de difusión a ambas marxes do esteiro do Miño para dar a coñecer a súa labor tanto ás administracións como ao público en xeral.