Monthly Archives

September 2024

Sep 26
0

CONXEMAR-FAO Congress

By | What's new | No Comments

CETMAR presents a study on the evolution of the FAO’s SOFIA reports on the state of world fisheries and aquaculture

  • The report prepared by the Centro Tecnológico del Mar-Fundación CETMAR for the Spanish Association of Wholesalers, Importers, Exporters and Processors of Fishery and Aquaculture Products-CONXEMAR includes recommendations for the Galician and national sector.
  • The congress, to be held the day before the international fair CONXEMAR starts at the Vigo exhibition centre, will revolve around the biennial report of the Food and Agriculture Organisation of the United Nations (FAO).

The Centro Tecnológico del Mar-Fundación CETMAR will present a study on the FAO’s SOFIA Report, dealing with its evolution, the most relevant conclusions and the opportunities and recommendations of greatest interest for the Galician and Spanish industry of seafood production.

The presentation is part of the 12th International Congress CONXEMAR-FAO to be held in Vigo on 30 September as a prelude to the 25th International Fair of Frozen Seafood-CONXEMAR. Rosa Chapela Perez, Manager of CETMAR’s Fisheries Socioeconomics Area, will present the study together with Audun Lem, FAO Deputy Director of Fisheries and Aquaculture.

Prepared specifically for CONXEMAR, the CETMAR study highlights the evolution and the most important aspects of each SOFIA Report, as well as their impact and interest for CONXEMAR and its associates

The CONXEMAR Congress is dedicated this year to the 25th anniversary of the SOFIA Report. That is why the work developed by CETMAR, which depends on the Regional Government of Galicia, analysed in depth the previous FAO reports, offering conclusions on their evolution as well as opportunities and recommendations to be considered by the Galician and national industry.

The study pays special attention to the Blue Transformation, focused on the added value of aquatic products, and leading this transformation into action or practical application, by integrating sustainability, social equity, and economic growth.

The role of aquaculture, the strengthening of small-scale coastal fishing, international cooperation, technological innovation, circular economy, and adaptation to climate change constitute other aspects and emerging trends that, in the blue transformation context, are highlighted in the report by CETMAR.

The 12th edition of the CONXEMAR-FAO International Congress will bring together experts in Vigo to analyse the current challenges and opportunities of the seafood processing and marketing industry and its commitment to sustainability. It will take place on 30 September from 10:00 a.m. onwards, after the institutional opening.

Sep 20
0

Centro de Formación A Aixola

By | What's new | No Comments

Villares resalta a importancia da formación dos profesionais vinculados ao sector marítimo-pesqueiro

  • O conselleiro do Mar visitou o Centro de Formación A Aixola en Marín, que acaba de iniciar un novo curso, e que desde 1997 ven formando aos colectivos da pesca que buscan capacitarse noutros oficios do mar
  • O responsable autonómico puxo en valor o compromiso da entidade coa calidade educativa, reflectida nos resultados de inserción laboral do seu alumnado, que acada o 70 por cento

O conselleiro do Mar, Alfonso Villares, salientou a importancia da formación dos profesionais vinculados aos sectores do mar e da pesca así como resaltou a labor que neste ámbito ven realizando desde 1997 o Centro de Formación A Aixola, que visitou en Marín acompañado pola alcaldesa da localidade, María Ramallo e representantes da Autoridade Portuaria, coincidindo co inicio dun novo curso.

Nun percorrido polos diferentes talleres do centro, que ten a súa sede no Porto de Marín, o responsable autonómico destacou a calidade educativa dunha entidade que, xestionada pola Consellería do Mar a través do Centro Tecnolóxico do Mar-Fundación CETMAR, ven acadando uns excelentes resultados de inserción laboral dos seus alumnos. Así, no 2023 a práctica totalidade do alumnado que buscou emprego conseguiu entrar no mundo laboral tras finalizar a súa formación, mentres que o resto continuou o seu itinerario formativo, acadando así cerca dun 70% de inserción.

A Aixola iniciou esta semana un novo curso para o que ten programadas sete accións formativas e para o que ofertou un total de 84 prazas destinadas a alumnos vinculados ao sector pesqueiro. As clases totalizarán cerca de 1.600 horas de formación de carácter gratuíto das que poden beneficiarse operarios da pesca, mariscadoras e mariscadores, cónxuxes destes ou persoas con titulación ou certificado para traballar no sector pesqueiro.

Na súa visita ao centro, o conselleiro do Mar puido comprobar o desenvolvemento dun dos cursos que deu comezo esta semana, como é o caso do de laminado manual en poliéster para pezas de uso en acuicultura e en construción naval, xunto ao de elaboración e instalación de cubertas de madeira en embarcacións menores, que se desenvolve pola tarde.

A oferta do centro de formación para este 2024 complétase cos cursos de confección e mantemento de artes e aparellos, electricidade e hidráulica básicas aplicadas ao buque, reparación de embarcación pneumáticas, soldadura autóxena e prevención de riscos laborais no sector pesqueiro, ademais de titorías de apoio ao autoemprego e á busca de emprego.

A especialidade do centro dependente da Consellería do Mar, cunha actividade formativa cofinanciada polo Fondo Europeo Marítimo, de Pesca e da Acuicultura (Fempa), é a aprendizaxe baseada no traballo, combinando a preservación do coñecemento tradicional coa innovación. A metodoloxía de ensino, centrada no aprendiz e nas súas necesidades, é eminentemente práctica e permite unha formación sólida que deriva en altas taxas de inserción laboral do alumnado.

Capacitando desde 1997

O Centro de Formación A Aixola dirixe a súa actividade aos colectivos de pesca que buscan capacitarse noutros oficios do mar desde 1997, cando iniciou a súa andaina a iniciativa da Consellería do Mar en instalacións da Autoridade Portuaria de Marín e Ría de Pontevedra. A xestión da entidade é responsabilidade do Centro Tecnolóxico do Mar-Fundación CETMAR desde o ano 2004. Durante este período, máis de 2.000 alumnos recibiron formación en oficios complementarios da pesca.

O enfoque de traballo do centro reforza ademais o tecido social da contorna, a través das múltiples colaboracións articuladas con outra administracións e organismos da súa comunidade, tanto para a selección de proxectos de traballo en taller, coma a captación de usuarios, a orientación das accións formativas ás necesidades reais das empresas ou a realización de prácticas.

A Aixola incide tamén na inclusión social, apoiando a integración de colectivos en risco de exclusión e fomentando a igualdade de xénero nas actividades con maior segregación. As titorías de formación compensatoria permiten equilibrar o nivel de coñecementos básicos dos alumnos, integrados en grupos nos que se favorece a aprendizaxe mutua.

Sep 13
0

Formación, emprego e inserción laboral

By | What's new | No Comments

Últimos días para inscribirse nos cursos do Centro de Formación A Aixola

O Centro de Formación da Aixola lanzará nos próximos días a súa nova oferta, pensada para potenciar as competencias e facilitar a inserción do seu alumnado en áreas clave do sector marítimo-pesqueiro. Estes cursos son gratuítos, e están cofinanciados pola Consellería de Mar da Xunta de Galicia e a Unión Europea a través do Fondo Europeo Marítimo, de Pesca e Acuicultura (FEMPA).

Poderán beneficiarse destes cursos os operadores pesqueiros, mariscadores, os seus cónxuxes ou persoas con titulación ou certificado para traballar no sector pesqueiro.

Un dos cursos destacados é “Reparación de embarcacións pneumáticas”, que non só se centra na reparación de embarcacións pneumáticas e embarcacións de uso recreativo, senón que tamén permite traballar cunha variedade de produtos inchables como táboas de paddle surf, castelos inchables, equipos inchables de mergullo e outros elementos recreativos Esta formación permite así traballar en múltiples sectores, dende o mantemento de equipos de emerxencia ata a reparación de elementos para eventos e parques infantís.

Ademais, durante o mes de setembro comezarán tamén os cursos nas áreas de instalacións, composites, redes e madeira. A oferta do centro de formación complétase cun curso en liña sobre prevención de riscos laborais no sector pesqueiro e con titorías de apoio ao autoemprego e á procura de emprego.

As 1.575 horas de formación programadas repartiranse no curso de fabricación e mantemento de artes e equipamentos (330 horas); electricidade básica e hidráulica aplicada ao buque (275 horas), e preparación e instalación de cubertas de madeira en embarcacións menores e laminación manual de poliéster para pezas utilizadas en acuicultura e construción naval, ambas de 300 horas.

A oferta de A Aixola para o vindeiro semestre complétase cos cursos de soldadura autóxena (20) e PRL no sector pesqueiro (50 horas).

O compromiso do Centro de Formación A Aixola coa calidade educativa reflíctese nos excelentes resultados de inserción laboral do seu alumnado. En 2023, a práctica totalidade dos estudantes que buscaron emprego lograron incorporarse ao mundo laboral tras rematar a súa formación, mentres que o resto continuou o seu itinerario formativo, chegando así ao 70% de integración.

A inscrición está aberta e é posible unirse á lista de espera para asegurar a praza. Para obter máis información sobre os cursos e como inscribirse pódese visitar a páxina web do centro ou contactar directamente con el.

Sep 12
0

ForoAcui

By | Events, What's new | No Comments

O XXVI Foro dos Recursos Mariños e da Acuicultura das Rías Galegas repasa a historia do Centro Tecnolóxico do Mar nunha mesa dedicada á investigación

O Centro Tecnolóxico do Mar-Fundación CETMAR estará presente no Foro dos Recursos Mariños e a Acuicultura das Rías Galegas, que na súa XXVI edición repasará a historia da institución nunha mesa dedicada á investigación e protagonizada por catro dos seus técnicos. Será o vindeiro 9 de outubro, cando ForoAcui abra dúas xornadas de relatorios e debates que terán lugar no auditorio municipal de O Grove, na provincia de Pontevedra, ata o día 10.

Marisa Fernández, coordinadora da área de Control e Xestión do Medio e os Recursos Mariños de CETMAR, será a encargada de abrir a mesa de investigación dedicada ao centro cun relatorio no que repasará os 23 anos de historia da fundación galega e na que abordará tamén os retos de futuro do centro dependente da Consellería do Mar.

Pola súa banda, José Luis Santiago Castro-Rial, técnico da área de Socioeconomía da Pesca, falará a continuación sobre a información práctica e as innovacións aplicadas á planificación espacial mariña, mentres que Silvia Torres, coordinadora da Unidade de Tecnoloxías Mariñas, intervirá a continuación para abordar a observación do medio mariño e as aplicacións máis directas na acuicultura e no marisqueo.

Os avances no coñecemento e nas oportunidades de transferencia na xestión dos recursos pesqueiros e marisqueiros, centrados no caso particular do berberecho, centrarán a última intervención do panel de investigación, que virá da man de Rosa Fernández Otero, coordinadora do CETMAR Tecnoloxía. Área de promoción e transferencia.

Todo isto a partir das 11:15 horas do 9 de outubro, día no que se inaugura o Foro Acui cunha intervención maxistral de Adolfo Alvial, director executivo do Club de Innovación Acuícola de Chile, sobre a evolución do ecosistema de innovación na acuicultura chilena.

A inscrición no foro, que conta entre os seus patrocinadores coa Consellería do Mar e a Universidade de Santiago de Compostela, será posible ata o vindeiro 7 de outubro a través da páxina web do evento (https://foroacui.com/inscripciones/), onde tamén é posible consultar o programa completo e todos os detalles da organización.

Dende 1998, o Foro dos Recursos Mariños e a Acuicultura das Rías de Galicia pretende ser un espazo de referencia para comunicar a realidade e as perspectivas de futuro da pesca, o marisqueo e a acuicultura en Galicia. A formación, a divulgación e, principalmente, a interacción entre investigadores, empresarios e administración son os seus principais obxectivos.