La coordinadora de la Unidad de Tecnologías Marinas de la Fundación CETMAR, Silvia Torres, participará el próximo 6 de febrero en la jornada que sobre las energías renovables marinas en Galicia organiza la Universidade da Coruña, y que tendrá lugar en la sede del CEIDA en Oleiros con la participación de diferentes expertos de diversas instituciones.

“Energías marinas: retos tecnológicos y oportunidades de negocio para Galicia” es el título de la ponencia de Silvia Torres, que intervendrá en la sesión dedicada a la investigación en este ámbito.

Mediante este seminario se pretende analizar el potencial innovador de las universidades, centros tecnológicos y de la Industria naval gallega y auxiliar en el sector de las energías renovables marinas.  Su organización se enmarca dentro del proyecto europeo ATLANTIC POWER CLUSTER. El objetivo de esta iniciativa, financiada por la Comisión Europea a través del Programa de Cooperación Transnacional Espacio Atlántico 2007-2013, es evaluar la situación de las energías renovables marinas en la zona Atlántica.

Más información http://bit.ly/1eXtXWV

O curso «Ecodeseño e ecoconstrución en embarcacións de madeira» clausurouse o sábado no Centro de Formación A Aixola de Marín, que xestiona a Fundación CETMAR. Organizada pola  Consellería de Economía e Industria a través da Fundación Centro Galego da Artesanía e do Deseño, esta actividade formativa estaba dirixida a carpinteiros de ribeira en activo, tanto xestores de estaleiros como operarios.

O curso dividiuse en varias sesións que se foron desenvolvendo durante os meses de outubro, novembro e decembro. Os alumnos puideron perfeccionar os seus coñecementos na elaboración de tipos de embarcacións como as gamelas e as piraguas a través das diferentes fases do proceso de construción: o laminado, o encolado, etc.

A entrega de diplomas aos participantes no curso correu a cargo da directora do Centro Tecnolóxico do Mar-Fundación CETMAR, Paloma Rueda Crespo, e da directora xeral de Comercio da Consellería de Economía e Industria, Sol Vázquez, quen estivo acompañada pola  xerente da Fundación Centro Galego da Artesanía e do Deseño, Elena Fabeiro.

O curso clausurado o sábado formou parte da programación da devandita fundación, destinada á especialización dos profesionais do sector artesán, e que este ano chegou a ofertar un total de 17 cursos enfocados no traballo ceramista, na cestería, no téxtil, no coiro e na olería tradicional.

Un dos obxectivos da Consellería de Economía e Industria en materia de artesanía é o de dotar ao sector artesanal de Galicia dos profesionais e técnicos que necesite, mediante unha formación especializada e de perfeccionamento, incidindo especialmente no deseño, a innovación, a aplicación de novas tecnoloxías e a xestión.

Pola outra banda, a Asociación Galega de Carpintería de Ribeira (Agalcari), con sede en Boiro, opta ao Premio Promociona para entidades privadas. O traballo da asociación caracterízase por manter viva a tradición na construción de embarcacións de madeira ao tempo que incorpora as últimas innovacións aparecidas no mercado. A súa aposta é conservar o saber facer dos carpinteiros de ribeira e adaptalo ao contexto dunha economía sostible, conservando o seu valor cultural, e promovendo a divulgación e o uso do patrimonio marítimo.

A cosmética mariña e a nutricosmética ou cosmética de terceira xeración serán protagonistas dun seminario organizado polo Centro Tecnolóxico do Mar, que o 10 de decembro reunirá na súa sede en Vigo a expertos nesta materia e a representantes de empresas do sector para abordar a problemática e as perspectivas de futuro destes produtos.

Durante a xornada, que se desenvolve no marco do proxecto europeo MARMED (http://www.marmedproject.eu/), están previstos relatorios sobre a cosmética e os principios activos de orixe mariña,  o papel das algas e das macromoléculas de orixe mariña na formulación de produtos cosméticos, e sobre os nutricosméticos e cosmocéuticos de orixe mariña.

Abordaranse así diferentes aspectos vinculados á cosmética mariña e, paralelamente, introducirase aos asistentes nunha nova área de traballo como é a nutricosmética, baseada en suplementes nutricionais e alimentos funcionais con beneficios cosméticos, tales como mellorar a saúde da pel, do cabelo ou o aspecto físico en xeral dos seus usuarios.

A asistencia ao seminario é gratuíta e as persoas interesadas en participar deberán inscribirse a través da páxina web da Fundación CETMAR .

Inscrición e programa

Seis técnicos da Subsecretaría de Pesca e Acuicultura de Chile iniciaron hoxe no Centro Tecnolóxico do Mar en Vigo un programa de formación que, organizado pola Fundación CETMAR, pretende reforzar as capacidades  deste equipo de expertos mediante sesións formativas, mesas de traballo e visitas guiadas a centros  e institucións de investigación da Consellería do Medio Rural e do Mar e outros, relacionados con este sector.

A formación, centrada no establecemento de plans de xestión na pesca artesanal, iniciouse hoxe na sede do CETMAR en Vigo e prolongarase ata o vindeiro 10 de decembro. Os técnicos chilenos foron recibidos pola directora-xerente da Fundación galega, Paloma Rueda Crespo, quen lles deu a benvida a Galicia.

Durante a mañá, os técnicos recibiron as primeiras clases teóricas sobre plans de explotación e sobre o ciclo da xestión pesqueira da man de persoal do CETMAR e da Consellería do Medio Rural e do Mar. Esta primeira xornada rematará cunha visita ao Instituto Español de Oceanografía en Vigo.

O programa desenvolverase nos vindeiros días e prevé, entre outras, visitas ao Instituto Galego de Formación en Acuicultura-IGAFA, ao Centro de Formación A Aixola en Marín, ao Centro de Investigacións Mariñas e as instalacións de Gardacostas de Galicia. Tamén están previstas mesas de traballo sobre o servicio de extensión pesqueira, sobre comercialización ou sobre a incidencia da formación no desenvolvemento sectorial.

Tamén haberá tempo para manter encontros con representantes do sector, como a Cooperativa de Armadores de Pesca do Porto de Vigo ou a Confraría de Cangas.

Os socios do proxecto europeo GEPETO “Fisheries Management & Transnational Objectives”, que coordina o Centro Tecnolóxico do Mar-Fundación CETMAR, reuniranse os días 3 e 4 de decembro en Lisboa para dar conta dos primeiros resultados desta iniciativa.

O encontro servirá para presentar o Atlas das Pesqueiras da zona atlántica do sur de Europa, documento elaborado polo Institut français de recherche pour l`exploitation de la mer-IFREMER e que compila a información existente sobre a actividade de todas as flotas que operan nesa zona. Esta primeira versión do Atlas estará dispoñible na web do proxecto (www.gepetoproject.eu).

Outra ferramenta que se dará a coñecer nesta reunión e o denominado “módulo participativo”, tamén operativo na web, e que permitirá recoller as testemuñas dos pescadores, que terán así a posibilidade de opinar sobre a súa actividade a través dunha enquisa, involucrándose directamente nas propostas de xestión.

O consorcio GEPETO está a traballar ademais nun novo modelo de ordenación das pesqueiras e de plans de xestión a longo prazo. Neste proxecto liderado polo CETMAR tamén participan o Consello Consultivo Rexional do Sur (CCR-Sur), o Instituto Español de Oceanografía, AZTI-Tecnalia, IFREMER de Francia, o Instituto Portugués doMare da Atmosfera, a Universidade das Azores, oMarine Institute de Irlanda e o Consello Consultivo Rexional para as Augas Noroccidentais (CCR-N),

Está previsto que durante esta reunión en Lisboa, os representantes de AZTI-Tecnalia presenten os seus traballos para coñecer a estrutura das pesqueiras e organizalas en unidades de maior operatividade. Pola súa parte, o IPMA de Portugal terá a responsabilidade de propor regras e normas de xestión das pesqueiras, propiciando plans de xestión a longo prazo.

O proxecto GEPETO estenderá a súa actividade ata mediados de 2014. Para entón está prevista a celebración da reunión final de presentación de resultados, que terá lugar na sede do Centro Tecnolóxico do Mar en Vigo.

A directora e persoal do Instituto Nacional de Desenvolvimento de Aquacultura de Mozambique (INAQUA) están estes días percorrendo Galicia nunha visita programada polo Centro Tecnolóxico do Mar-Fundación CETMAR que ten como obxectivo o fortalecemento das capacidades técnicas do INAQUA no que se refire ao cultivo de moluscos bivalvos.

Tanto a máxima responsable desta institución mozambiqueña, Isabel Omar, como os técnicos que a acompañan están a recibir así formación teórica por parte de expertos  da Fundación CETMAR, ao tempo que realizarán pasantías en institucións de relevancia e farán visitas a empresas públicas y privadas, institutos de investigación e organizacións sectoriais mediante as que visualizarán a aplicación práctica do programa formativo.

Os técnicos do INAQUA, que foron recibidos no CETMAR pola súa directora-xerente, Paloma Rueda Crespo, e polo secretario xeral do Mar, Juan Maneiro, permanecerán en Galicia ata o 14 de decembro.

Durante todo este tempo visitarán, entre outros, o Porto de Vigo, o Instituto Galego de Formación en Acuitultura (IGAFA), o Instituto Español de Oceanografía, o Instituto Tecnolóxico para o Control do Medio Mariño (INTECMAR), así como diversas Confrarías dedicadas á explotación marisqueira da nosa comunidade

A súa estancia finalizará cunha pasantía na planta de cultivos mariños de Ribadeo do Centro de Investigacións Mariñas.

O proxecto PROAMARE e a ruta deseñada polos socios desta iniciativa europea cara a posta en valor do patrimonio marítimo con fins turísticos foron presentados hoxe por técnicos do Centro Tecnolóxico do Mar no transcurso dunha xornada que reuniu a expertos nesta materia na sede da Fundación en Vigo.

A directora-xerente do CETMAR, Paloma Rueda Crespo, foi a encargada de abrir a xornada cun relatorio no que afirmou que favorecer a diversificación económica das comunidades costeiras e garantir o mantemento óptimo dos bens materiais e inmateriais a conservar no litoral son obxectivos “cada vez máis en auxe”.

Mostrou así a súa confianza en que iniciativas como o proxecto PROAMARE, no que a Fundación CETMAR ven traballando xunto á Deputación de Pontevedra, Cámara de Caminha, CIM Alto Minho e Fundaçao Gil Eannes, contribúan á conservación e posta en valor do patrimonio marítimo, e avogou pola colaboración das institucións, da iniciativa privada e das asociacións vinculadas a este ámbito no cumprimento desta tarefa.

A presentación da ruta marítima entre Galicia e o Norte de Portugal deseñada polos socios de PROAMARE correu a cargo do secretario xeral do CETMAR, Julio Taboada, e do técnico do proxecto Gonzalo Borrás, mentres que do tramo portugués falou Carla Gomes, representante do CIM Alto Minho.

O itinerario entre Vigo e Viana do Castelo prevé dúas horas de navegación a bordo de embarcacións de alto valor patrimonial percorrendo 17 millas náuticas pola Ría de Vigo ata Baiona, para  proseguir por terra ata Viana do Castelo e volver á auga para cruzar o río Miño entre A Guarda e a localidade portuguesa de Caminha.

Durante todo o traxecto a ruta permite disfrutar do patrimonio marítimo achegando ao viaxeiro a diferentes puntos de interese como o Museo do Mar de Galicia, Faro Troitiño, Illas Cíes, Monteferro, Fortaleza de Monterreal, Santa Tegra e, xa en Portugal, os fortes do Cao e da Insua, o miradoiro de Santa Luzia ou o navío museo hospital Gil Eannes.

O Centro Tecnolóxico do Mar-Fundación CETMAR organiza mañá martes 26 de novembro unha xornada dedicada ao patrimonio marítimo e as accións que cara a súa recuperación e posta en valor como reclamo turístico en Galicia e no Norte de Portugal levou a cabo a institución a través do proxecto europeo PROAMARE.

A directora xerente do CETMAR, Paloma Rueda Crespo, será e encargada de abrir a xornada as once da mañá cunha intervención na que presentará o devandito proxecto, no que a Centro tecnolóxico do Mar ven traballando da man da Deputación Provincial de Pontevedra, a Cámara de Caminha, o CIM Alto Minho e a Fundaçao Gil Eannes.

Imaxe da ruta piloto PROAMARE entre Vigo e Baiona a bordo da goleta Nieves

A xornada, que dará comenzo ás once da mañá na sala de conferencias do Centro Tecnolóxico do Mar en Vigo, inclúe ademais un relatorio sobre o roteiro marítimo que para amosar o potencial turístico de Galicia e Norte de Portugal foi deseñado polos socios do proxecto PROAMARE.

O historiador Dionisio Pereira pechará o evento cun relatorio sobre a patrimonialización da cultura marítima no litoral español.

O Centro Tecnolóxico do Mar-Fundación CETMAR e o Centro de Investigacións Mariñas-CIMA presentaron unha guía de autocontrol que compila información científica útil cara á loita contra a infección por virus herpes da semente de ostra rizada e para evitar as perdas asociadas a mortalidades masivas desta especie.

A publicación deuse a coñecer no transcurso dun taller  sobre o “Impacto da infección por virus herpes no sector ostreícola”, organizado no marco do proxecto HERPEMOL-Galicia, que financia a Consellería do Medio Rural e do Mar e no que participan CETMAR e CIMA.

O taller abordou a problemática das mortalidades anómalas da semente de ostra rizada (Crassostrea gigas) asociada á infección polo virus herpes OsHV-1 mVar. Esta infección, que xa se propagou por numerosos países europeos, supuxo o declive do punteiro sector ostreícola francés.

No transcurso desta xornada, que tivo lugar na sede da Fundación CETMAR en Vigo, trasladouse ao sector, aos investigadores e á administración a información xerada no ámbito científico ao longo dos últimos anos en España, con fin de intentar previr a introducción e diseminación desta enfermidade e minimizar o seu impacto económico no sector ostreícola.

Toda a información xerada editouse nesta Guía de Autocontrol dirixida ao sector para que teña en conta as prácticas e recomendacións que poden axudar a evitar as perdas asociadas ás mortalidades masivas.

“A oceanografía operacional ao servicio dos recursos mariños en Galicia e no Norte de Portugal” e o título do seminario final do proxecto RAIA.co, que terá lugar o vindeiro 29 de novembro no Museo Pedagóxico de Galicia en Santiago coa participación do Centro Tecnolóxico do Mar-Fundación CETMAR xunto aos seus socios nesta iniciativa europea.

O obxectivo desta xornada é presentar o Observatorio RAIA a representantes de diferentes sectores relacionados co mar en Galicia e no Norte de Portugal, dando conta dos produtos e servizos de información oceanográfica e meteorolóxica que poden ser de interese para calquera actividade lúdica ou profesional que se desenvolva no litoral de ambas rexións.

Cunha clara orientación cara ao usuario final, dende o Observatorio RAIA desenvolvéronse modelos específicos para a resolución de problemas concretos, xeráronse produtos e servizos adaptados ás necesidades dos diferentes sectores e impulsouse o desenvolvemento de novas tecnoloxías mariñas de amplo espectro.

A rede está a producir información extremadamente valiosa para os usuarios das costas en xeral e en particular para os profesionais que desenvolven a súa actividade no medio mariño, e para cuxo óptimo desenvolvemento son importantes parámetros como a ondada, a turbidez, a forza e a dirección do vento ou a temperatura do mar, entre outros.

Dos produtos e servizos do Observatorio RAIA (www.marnaraia.com) e da súa utilidade para os usuarios das costas falarán neste seminario representantes das diferentes institucións que conforman o consorcio RAIA.co, como son, ademais do Centro Tecnolóxico do Mar-Fundación CETMAR, Meteogalicia que lidera o proxecto, o Instituto Tecnolóxico para o Control do Medio Mariño de Galicia-Intecmar, o Instituto Español de Oceanografía, o Instituto de Investigaciones Marinas-CSIC, a Universidade de Vigo, as universidades de Porto e Aveiro e o Instituto Hidrográfico de Portugal.

A segunda parte do seminario dedicarase á exposición das demandas e necesidades dos diferentes sectores en canto á observación e predición meteorolóxica e oceanográfica. A inscrición á xornada é gratuíta (http://www.cetmar.org/seminarios/RAIAco/).

O proxecto RAIA.co está financiado pola Unión Europea a través do Programa de Cooperación Transfronteiriza España-Portugal.