Impulsando a adaptación transformadora en Europa: solucións innovadoras vencelladas á auga
TransformAr proporciona solucións para impulsar a adaptación ao cambio climático. Promove a innovación cooperativa para activar a transformación social en seis rexións, mediante medidas baseadas na natureza, tecnoloxías innovadoras, financiamento, modelos de seguros e gobernanza, sensibilización e cambio de comportamento.
En Galicia desenvólvese un estudo de caso dirixido aos sectores de cultivo de mexillón e marisqueo a pé, que esta coordinado polo CETMAR, e que contará coa participación da UVigo –tamén socia no proxecto–, así como de expertos da IIM-CSIC.
Estudará o impacto das condicións oceanográficas na produción de mexillón, monitorizando en tempo real unha batea equipada con sensores. Avaliarase a evolución do cultivo de ameixas e os bancos marisqueiros mediante un modelo matemático para explorar estratexias de xestión adaptadas. Mediante un índice de resiliencia, identificará a capacidade de adaptación ao cambio e priorizará as accións que se deben emprender.
