Servizo de apoio á mellora da información dispoñible sobre a dinámica do cultivo do mexillón nas rías galegas
O CETMAR presta un servizo de apoio de recollida de información ambiental e de produción do sector mexilloeiro para mellorar a información dispoñible sobre a dinámica do cultivo do mexillón nas rías galegas.
CETMAR colaborará na abordaxe dos seguintes obxectivos:
- Mellorar os coñecementos das condicións ambientais e de produción nas bateas.
- Recollida de información a través das asociacións de mexilloeiros
Esta acción pretende dar apoio á Consellería para recoller información sistemática do estado dos cultivos de mexillón tendo en conta a variabilidade entre as distintas zonas de cultivo e detectar episodios extraordinarios ou incidencias significativas no cultivo do mexillón.
