Novedades

O CETMAR imparte en Perú un taller destinado á mellora da comercialización dos produtos da pesca artesanal en sete rexións do país

O Centro Tecnolóxico do Mar-Fundación CETMAR está a desenvolver estes días en Lima un taller de formación no que participan axentes do Servicio de Extensión Pesqueira da Dirección de Pesca Artesanal de Perú e que se prolongará durante quince días. Esta actividade está sendo impartido por unha técnica do propio CETMAR e por persoal contratado ao efecto, así como por representantes doutras institucións relacionadas coa promoción empresarial, a restauración mariña ou a promoción da exportación, entre outras temáticas.

O taller se enmarca nun proxecto para a mellora da comercialización dos produtos da pesca artesanal en sete rexións de Perú que o CETMAR está a desenvolver da man das autoridades pesqueiras dese país e con financiamento da Xunta de Galicia. Este proxecto ven a dar continuidade e a complementar as accións que o goberno galego, o Centro Tecnolóxico do Mar e o Ministerio de Producción peruano veñen desenvolvendo de forma conxunta dende o ano 2006.

O obxectivo final é incidir na mellora da calidade de vida das comunidades costeiras dependentes da pesca artesanal, e para iso traballarase no fortalecemento das capacidades dos extensionistas en relación ao desenvolvemento microempresarial, así como no fortalecemento das organizacións do sector pesqueiro artesanal en relación á comercialización. Finalmente abordarase a mellora da comercialización neste sector.

O ámbito do proxecto exténdese ás rexións de Tumbes, Piura, Lambayeque, La Libertad, Ancash, Lima y Tacna y Pisco e beneficiará a uns 300 pescadores e procesadores artesanais, así como a uns 1.400 extensionistas pesqueiros e outros axentes implicados no asesoramento aos pescadores na comercialización dos seus produtos.

Dejar un comentario