O presente proxecto ten como obxectivo principal contribuír ao incremento da sustentabilidade das cadeas de valor vinculadas ao sector pesqueiro e acuícola na rexión de Piura, mediante o fortalecemento produtivo de iniciativas empresariais situadas na Baía de Sechura e o reforzo dos mecanismos de gobernanza operativos na rexión de Piura.
Nun contexto de crecente preocupación polos efectos do cambio climático sobre a conservación dos recursos mariños e a súa explotación económica, a intervención busca adaptar os sistemas de produción e xeración de ingresos das comunidades costeiras, permitíndolles mellorar a súa calidade de vida de forma compatible coa protección e conservación da contorna natural.
