Fortalecemento do Centro Nacional de Información e Investigación Mariña de Namibia (NatMIRC) na súa función de contribuír ao proceso de toma de decisións na xestión pesqueira
Mediante a posta en marcha do proxecto, coordinado polo CETMAR e no que participan expertos en investigación do IEO e do CSIC, preténdese reforzar a capacidade investigadora do Centro Nacional de Investigación e Información Mariña (NatMIRC) de Namibia. Coa implementación de NatMIRC III, preténdese garantir os seguintes resultados:
-Soporte á formación e xestión de datos para análise exploratoria.
-Fortalecemento dos procesos de análise na xestión de datos ambientais que inflúen na bioloxía e comportamento dos recursos pesqueiros.
-Mellora da capacidade do NatMIRC na avaliación dos stocks de especies de interese comercial actual ou potencial.
-Fortalecemento do diálogo Investigación-Industria-Administración mediante a posta en marcha de accións de divulgación científica.
