Control, tratamento e redución de microplásticos e contaminantes emerxentes nas augas residuais urbanas e no medio costeiro transfronteirizo
Mellorar a calidade das masas de auga fluviais, de transición e costeiras en Galicia e no norte de Portugal mediante o control, seguimento e avaliación das emisións de microplásticos e dos denominados contaminantes emerxentes no medio acuático é o obxectivo fundamental do proxecto europeo BlueWWater liderado polo Centro Tecnolóxico do Mar-Fundación CETMAR.
O consorcio BlueWWater traballa no estudo da eficiencia das estacións depuradoras de augas residuais urbanas en ambas rexións, e do risco ambiental dos mencionados contaminantes, co obxectivo de garantir un uso sostible dos recursos hídricos e, ao mesmo tempo, contribuír á aplicación da normativa comunitaria nesta materia.
